November 30, 2025
Vartman Pravah
Breaking Newsઉમરગામકપરાડાગુજરાતચીખલીડિસ્ટ્રીકટદેશનવસારીપારડીવલસાડવાપી

ચીખલી તાલુકાની માણેકપોર ગ્રામ પંચાયતની ગ્રામસભામાં ગ્રામ પંચાયત કચેરીના બાંધકામની જગ્‍યા બાબતે બે જૂથો સામસામે આવી જતા ખુરશીઓ ઉછળતા ભારે હોબાળો મચ્‍યો

(વર્તમાન પ્રવાહ ન્‍યુઝ નેટવર્ક)
ચીખલી(વંકાલ),તા.02: ચીખલી તાલુકાની માણેકપોર ગ્રામ પંચાયતમાં બપોરે ત્રણેક વાગ્‍યાના અરસામાં તાલુકા પંચાયતના વિસ્‍તરણ અધિકારી શ્રી કેતનભાઈ, તલાટી, સરપંચ સહિતની ઉપસ્‍થિતિમાં ગ્રામસભા શરૂ કરવામાં આવી હતી. આ દરમિયાનઘણા સમયથી અનિર્ણયિક રહેલા ગ્રામ પંચાયતની નવી કચેરીના બાંધકામની જગ્‍યા અંગેનો પ્રશ્ન આવતા ચર્ચાનો દોર વચ્‍ચે બે જૂથો સામ-સામે આવી ગયા હતા અને એક જૂથ જૂની જગ્‍યા એટલે કે હાલે જ્‍યાં કચેરી ગામતળમાં છે ત્‍યાં જ નવી કચેરીનું બાંધકામ કરવા માટે તો બીજું જૂથ હાલની કચેરી વાળી જગ્‍યા ઓછી પડતી હોય અન્‍ય જગ્‍યાએ બાંધકામ કરવા પર અડી જતા વાતાવરણ તંગ થઈ જવા પામ્‍યું હતું અને ભારે હોબાળા સાથે બહાર બે ટોળા વચ્‍ચે ઉગ્ર બોલાચાલી વચ્‍ચે એક સમયે ટોળામાં ખુરશી ઉછળવા સાથે કેટલાકને ધક્કે પણ ચઢાવાતા પોલીસ બોલાવવાની ફરજ પડી હતી.
માણેકપોરમાં ગ્રામ પંચાયતની નવી કચેરીના બાંધકામ માટે જરૂરી ગ્રાન્‍ટ પણ મંજૂર થયેલ હોવા છતાં બાંધકામની જગ્‍યાની ખેંચતાણમાં નવી કચેરીનું બાંધકામ ટલ્લે ચડ્‍યું હોવાનું જાણવા મળ્‍યું હતું અને આ વિવાદને લઈને ગ્રામસભા ઉગ્ર બની હતી ગ્રામ સભામાં વિવાદ અંગેનો વિડીયો પણ ફરતો થઈ ગયો હતો.
જોકે બાદમાં કેટલાકની મધ્‍યસ્‍થી બાદ સહી ઝુંબેશ ચલાવી જૂની જગ્‍યાએ જ કચેરીનું બાંધકામ કરવાનું નક્કી કરી મામલો થાળે પાડ્‍યો હોવાનું જાણવા મળ્‍યું હતું.
માણેકપોરના સરપંચ રાજુભાઈના જણાવ્‍યાનુસાર ગ્રામસભામાં ગ્રામ પંચાયતની કચેરીના બાંધકામની જગ્‍યા બાબતેબોલચાલ થઈ હતી. પરંતુ બધું પતી ગયું છે. કચેરી હાલની કચેરી વાળી જગ્‍યામાં જ બનાવવા માટે બધાની સહીઓ લઈ સર્વ સંમતિ કરવામાં આવી છે.અને બંને પાર્ટીઓ બેસી ગઈ છે.

Related posts

આજથી દમણવાડાના ઢોલર ગામથી શરૂ થનારૂં જમીનના રિ-સર્વેનું કામ

vartmanpravah

‘‘સુશાસન સપ્તાહ” અંતર્ગત દમણના આંટિયાવાડ ગ્રામ પંચાયતમાં ‘પ્રશાસન ગાંવ કી ઓર’ શિબિરયોજાઈ

vartmanpravah

સેલવાસના દયાત ફળિયાની એક તરુણીએ ગળે ફાંસો લગાવી જીવન ટૂંકાવ્‍યું

vartmanpravah

20મી નવેમ્‍બરે યોજાનારી મહારાષ્ટ્ર વિધાનસભાની ચૂંટણી માટે દાનહ-દમણ-દીવમાં સરકારી/ગેર સરકારી, ખાનગી કંપની, સંસ્‍થા, વિવિધ એકમો/પ્રતિષ્ઠાનોમાં કાર્યરત મહારાષ્ટ્રના મતદારોને રજા આપવા સંઘપ્રદેશ ચૂંટણી વિભાગનો આદેશ

vartmanpravah

દાનહમાં 01 કોરોના પોઝિટિવ : દમણમાં એકપણ કોરોના પોઝિટિવ કેસ નહી

vartmanpravah

ચીખલી તાલુકામાં ધોરણ-૧૦નું પરિણામ જાહેર: સમરોલીની શ્રી સ્વામીનારાયણ સ્કૂલનું ૧૦૦ ટકા પરિણામ જાહેર થતાં શાળા પરિવારમાં ફેલાયેલી ખુશી

vartmanpravah

Leave a Comment