જી.ઈ.બી.ના ફોન મોટા ભાગે બંધ આવે છે : લોકોમાં જોવા મળી રહેલો રોષ
(વર્તમાન પ્રવાહ વાપી બ્યુરો)
વાપી, તા.04: વાપી શહેરના દેસાઈ વાડ વિસ્તાર છેલ્લા ત્રણ ચાર દિવસથી વિજળી સમસ્યાગ્રસ્ત બની ગયો છે. વારંવાર થઈ જતી વિજળી ગુલથી લોકો ત્રાસી ગયા છે.
વાપી દેસાઈવાડ એટલે વાપીની ઓળખ સમો વિસ્તાર. આ વિસ્તારમાં મોટા પ્રમાણમાં દેસાઈ વસવાટ કરે છે તેવા વિસ્તાર છેલ્લા બે-ત્રણ દિવસથી વિજળી સમસ્યા ગ્રસ્ત બન્યો છે. વારંવાર લાઈટ બંધ થઈ જતા લોકોની હાલાકી વધી રહી છે. બીજી તરફ વીજ સમસ્યા અંગે જી.ઈ.બી.માં ફરિયાદ કે કમ્પ્લેશન કરવામાં આવે ત્યારે ફોન મોટા ભાગે બંધ આવે છે. ત્યારે ઊર્જા મંત્રી ખુદ કનુભાઈ દેસાઈ છે ત્યારે વાપી દેસાઈવાડ વિસ્તારની લાઈટની સમસ્યા અંગે ઘટતા પગલા ભરી સમસ્યાનો અંત આવે તેવી સ્થાનિક લોકોની પ્રબળ માંગ છે.
