(વર્તમાન પ્રવાહ ન્યુઝ નેટવર્ક)
દમણ, તા.04: સંઘપ્રદેશ દાદરા નગર હવેલી અને દમણ-દીવના વન વિભાગ દ્વારા ‘69મા વન્યજીવ સપ્તાહ’ની ઉજવણી દમણના વન વિભાગ દ્વારા કરવામાં આવી રહી છે.
‘વન્ય જીવ સપ્તાહ’ના પ્રથમ દિવસ 2 ઓક્ટોબરના રોજ દમણના ઉપ વન સંરક્ષક શ્રી રાજ તિલકની ઉપસ્થિતિમાં ઈકો પાર્ક દેવકા ખાતે વન વિભાગના સ્ટાફ અને નેશનલ ઈન્સ્ટિટયૂટ ઓફ ફેશન ડિઝાઈનિંગના વિદ્યાર્થીઓ સાથે વૃક્ષારોપણના કાર્યક્રમનું આયોજન કરવામાં આવ્યું હતું. બીજા દિવસે જમ્પોર બીચની સાફ-સફાઈ દમણ અને સેલવાસના સ્ટાફ દ્વારા કરવામાં આવી હતી.
આવતી કાલે શાળાના વિદ્યાર્થીઓની રેલી અને વન ભોજનના કાર્યક્રમનું પણ આયોજન કરવામાં આવ્યું છે.
