(વર્તમાન પ્રવાહ ન્યુઝ નેટવર્ક)
દમણ, તા.08: મોટી દમણના શિક્ષણ સદન ખાતે શિક્ષણ વિભાગના સહયોગથી રોટરી ક્લબ ઓફ દમણ દ્વારા દમણના 76 શિક્ષકોને નેશન બિલ્ડર એવોર્ડથી સન્માનિત કરવામાં આવ્યા હતા. જેમાં પરિયારીની શહિદ ભગતસિંહ ઉચ્ચ પ્રાથમિક શાળાના 4 શિક્ષકોની પસંદગી થતાં ઈન્ચાર્જ આચાર્ય શ્રી અરવિંદભાઈ સુમરાએ અભિનંદન પાઠવ્યા હતા.
‘નેશન બિલ્ડર એર્વોડ’ મેળવનારા શિક્ષકોમાં ગુજરાતી માધ્યમ પ્રાથમિક વિભાગમાંથી શ્રી નવીનભાઈ ધોડી અને અંગ્રેજી માધ્યમમાંથી પ્રાથમિક વિભાગમાં કુ. રિયંકા પટેલ, ઉચ્ચ પ્રાથમિક વિભાગમાંથી શ્રીમતી ડિમ્પલ પટેલ, અને અંગ્રેજી પ્રાથમિક વિભાગમાંથી શ્રીમતી બિનલ પટેલની પસંદગી કરાઈ હતી. આ તમામ શિક્ષકોને આચાર્યશ્રીએ અભિનંદન પાઠવ્યા હતા.