November 30, 2025
Vartman Pravah
Breaking Newsઉમરગામકપરાડાગુજરાતચીખલીડિસ્ટ્રીકટદેશનવસારીપારડીવલસાડવાપી

કપરાડા તાલુકામાં ફાયર સ્‍ટેશન માટે જાગૃત યુવાનો દ્વારા કપરાડા ધારાસભ્‍ય જીતુભાઈ ચૌધરીને આપ્‍યું આવેદનપત્ર

(વર્તમાન પ્રવાહ વાપી બ્‍યુરો)
વાપી, તા.08: વલસાડ જિલ્લાના કપરાડા સિવાયના તમામ તાલુકાઓમાં ફાયર સ્‍ટેશન સેન્‍ટરની સુવિધા છે, કપરાડા તાલુકો ખૂબ જ મોટો અંતરિયાળ વિસ્‍તાર છે. કપરાડા તાલુકાની કમનસીબ કહેવાય હજુ સુધી ફાયર સ્‍ટેશન સેન્‍ટર ઉપલબ્‍ધ કરાવવા સરકાર દ્વારા ધ્‍યાનમાંલેવામાં આવ્‍યું નથી.
તાજેતરમાં મોજે બિલિયા ગામના વ્‍યક્‍તિઓ ગામમાં આવેલ ચેકડેમમાં તણાયા હતા. કપરાડા ખાતે ફાયર સ્‍ટેશન સેન્‍ટરની સુવિધા ઉપલબ્‍ધ ન હોવાના કારણે તેઓને બચાવી શકાયેલ નથી તથા બે દિવસ જેટલા લાંબા સમયગાળા બાદ મૃતદેહો મળ્‍યા હતા. સ્‍થાનિક લોકો અને ફાયરબ્રિગેડ ધરમપુરે ભારે જહેમત ઉઠાવી નદીમાંથી બહાર કાઢવામાં આવ્‍યા હતા. આવી અનેક ઘટના કપરાડા તાલુકામાં ઘણી બધી બની ચૂકેલી છે. પાર નદી, કોલક નદી, દમણગંગા નદીમાં અનેક લોકો ડૂબી જવાની આકસ્‍મિક ઘટના બની છે. આગમાં મકાનો સળગી કે તૂટી પડવાની પણ ઘટનાઓ બની છે. તેમાં ફાયર સ્‍ટેશન ન હોવાના કારણે લોકોને જાન ગુમાવવી પડી. તો કપરાડા તાલુકામાં ફાયર સ્‍ટેશન ઊભું થાય તેવી સમગ્ર લોકોની માંગ છે. જે અંગે ધારાસભ્‍ય કપરાડા – પૂર્વ મંત્રી ગુજરાત સરકાર જીતુભાઈ ચૌધરીને આવેદન પત્ર આપી ધ્‍યાન દોરવામાં આવ્‍યું છે.
કપરાડા જેવા અંતરિયાળ અને પહાડી વિસ્‍તારમાં માર્ગ અકસ્‍માત, પુર હોનારત તથા દુકાનોમાં આગ લાગવાની ઘટનાઓ અવારનવાર બનતી હોય છે. ઉપરાંત જાગૃકતાના અભાવે આ વિસ્‍તારના રહીશો આગમચેતી રાખી શકતા નથી.
નાનાપોંઢાથી સુથારપાડા સુધીનો રસ્‍તો ખાડા ટેકરાવાળો હોવાથી ચોમાસામાં અકસ્‍માતનીઘટનાઓ વારંવાર બને છે તથા લોકોને જીવ ગુમાવવો પડે છે.
વલસાડ જિલ્લાના કપરાડા સિવાયના તમામ તાલુકાઓમાં ફાયર સ્‍ટેશન સેન્‍ટરની સુવિધા છે, પરંતુ કપરાડામાં આ સુવિધાના અભાવે આકસ્‍મિક પરિસ્‍થિતિઓમાં નિર્દોષ લોકોને બચાવી શકાતુ નથી. તમામ હકીકતો ધ્‍યાને લેતાં, કપરાડા ખાતે ફાયર સ્‍ટેશન સેન્‍ટર ઉપલબ્‍ધ કરાવવા સતિષભાઈ ડી. કરડેલ, હિરલકુમાર એ.પટેલ, પીનેશભાઈ આર.પવાર, ભાવેશભાઈ બી. ગાંવિત, હરેશભાઈ જી.રાઉત, સંજયભાઈ આર.ખાંડરા દ્વારા નમ્ર વિનંતી કરવામાં આવી છે.
કપરાડા તાલુકાના વિસ્‍તારથી જાણકાર અને આગ અને બચાવ કાર્યની તાલીમમાં નિપૂણ એવા કપરાડા તાલુકાના કેટલાક જવાનો છે. જેઓને આ ફાયર સ્‍ટેશન થકી નોકરી મળી જશે.
જાગ્રત યુવાનો અને કપરાડા તાલુકા પંચાયત પ્રમુખ હીરાબેન માહલા દ્વારા કપરાડામાં ફાયર સ્‍ટેશન સેન્‍ટર ઉપલબ્‍ધ કરાવવા કપરાડા ધારાસભ્‍ય જીતુભાઈ ચૌધરી, કલેક્‍ટરશ્રી વલસાડ, મુખ્‍યમંત્રીશ્રી ગાંધીનગર, ગુજરાતને આવેદનપત્ર પાઠવ્‍યું છે.

Related posts

વલસાડ ભાજપ કાર્યાલયમાં અટલબિહારી વાજપાઈની 100 મી જન્‍મજ્‍યંતી, સુશાસન દિવસે પુષ્‍પાંજલિ કાર્યક્રમ યોજાયો

vartmanpravah

દૂધની પ્રાથમિક શાળા પરિસરમાં ‘પ્રશાસન ગામડાં તરફ શિબિર’ યોજાઈ

vartmanpravah

દાનહ મહિલા અને બાળ વિકાસ વિભાગ દ્વારા આંતરરાષ્‍ટ્રીય મહિલા દિવસની ઉજવણી કરાઈ

vartmanpravah

વાપી આનંદનગર-છરવાડા અંડરબ્રિજની ચાલતી કામગીરીને લઈ નિરંતર ટ્રાફિક સમસ્‍યા

vartmanpravah

વાપી-વલસાડમાં નવરાત્રી મહોત્‍સવમાં નાણામંત્રી કનુભાઈ દેસાઈ સપરિવાર ઉપસ્‍થિત રહી આરતી-દર્શનનો લાભ લીધો

vartmanpravah

દીવમાં ચેસ સ્‍પર્ધા-2022નું સફળતાપૂર્વક સમાપન

vartmanpravah

Leave a Comment