(વર્તમાન પ્રવાહ ન્યુઝ નેટવર્ક)
સેલવાસ, તા.09: દાદરા નગર હવેલીના દાદરા ગામે આવેલ સ્ટરલાઈટ ટેક્નોલોજી લીમીટેડ કંપનીના કામદારો વિવિધ મુદ્દાઓ અંગે હડતાળ પર ઉતર્યા હતા. જેઓના જણાવ્યા અનુસાર આ કંપનીમાં ચાર અલગ અલગ લેબર કોન્ટ્રાક્ટ ચાલે છે, જેમાંથી એક લેબર કોન્ટ્રાક્ટર દ્વારા પગાર વધારવામાં આવ્યો છે, તો પછી બીજા કેમ નથી વધારતા? જેવી વિવિધ સમસ્યા બાબતે કંપની સંચાલકો સાથે વાત કરતા યોગ્ય ઉકેલ નહીં આવતા તમામ કર્મચારીઓ રેલી સ્વરૂપેલેબર ઓફીસ ખાતે પહોંચ્યા હતા જ્યાં લેબર ઓફિસરને મળી એમની તમામ રજૂઆત કરી હતી. કામદારોના પ્રશ્નો બાબતે લેબર ઓફિસરે યોગ્ય નિકાલ લાવવાની બાહેંધરી આપી હતી.
હવે જોવાનું એ રહ્યું કે કામદારોના પ્રશ્નોનો હલ થાય છે કે નહીં?
Previous post