(વર્તમાન પ્રવાહ ન્યુઝ નેટવર્ક)
સેલવાસ, તા.12: દાદરા નગર હવેલીના ઉમરકૂઇ ગામની હુતામાકી ઇન્ડિયા પ્રાઇવેટ લિ. કંપનીના એચ.આર. મેનેજર શ્રી કૌશિક દવેની અજાણ્યા વ્યક્તિઓ દ્વારા કંપનીમાં ચોરી થઈ હોવાની ફરિયાદના આધારે આઈપીસીની કલમ 457, 380, 34 મુજબ ગુનો દાખલ કરવામાં આવ્યો હતો. અજાણ્યા આરોપીઓએ કંપનીના ગોદામમાંથીગેલ્વેનાઈઝડ શીટ કાપી પ્રવેશ કરીને લગભગ 50લાખ રૂપિયાની વિવિધ વિદ્યુત સામગ્રી ચોરી કરી હતી. આ કેસની વધુ તપાસ હેડ કોન્સ્ટેબલ શ્રી પ્રકાશ માહ્યાવંશીને સોંપવામાં આવી હતી. તપાસ દરમ્યાન આરોપી(1)સંજય મનુ બરફ (ઉ.વ.24)રહેવાસી- ઉમરકૂઇ પટેલપાડા, (2)નિલેશ ઈશ્વર અંધેર (ઉ.વ.20) રહેવાસી – ઉમરકૂઇ પટેલપાડા જેઓની ધરપકડ કરવામાં આવી હતી. નિલેશ અંધેર આજ કંપનીમાં હેલ્પર તરીકે કામ કરી રહ્યો હતો. આરોપીઓ પાસેથી 2,02,035 રૂપિયાનો ચોરીનો સામાન જપ્ત કરવામાં આવ્યો હતો. આ મામલાની વધુ તપાસ સેલવાસ પોલીસ કરી રહી છે.
