(વર્તમાન પ્રવાહ ન્યુઝ નેટવર્ક)
પારડી, તા.13: વલસાડ એલસીબી ટીમના એએસઆઈ પ્રવિણ યાદવ, અ.પો.કો વિવેક ગઢવી, અને અ.પો.કો દશરથ ભરવાડ પેટ્રોલીંગમાં ફરતા હતા. આ દરમિયાન મળેલી પૂર્વ બાતમીના આધારે પીકઅપ ટેમ્પોનં.જીજે-15-વાયવાય-2711 ને પારડી વલસાડી ઝાંપાના હાઇવે પર અટકાવવાનો પ્રયાસ કર્યો હતો. પરંતુ ટેમ્પોચાલક પોલીસને જોઈ પૂર ઝડપે ટેમ્પો હંકારી જતાં તેનો પીછો કરી પોલીસે ચંદ્રપૂર બ્રિજ નીચે અટકાવ્યો હતો અને ટેમ્પો ચેક કરતાં તેના હૂડના ભાગે તાડપત્રી સાથે સંતાડી રખાયેલો વિદેશી દારૂની બોટલ નંગ 333 જેની કિંમત રૂા.41,625 મળી આવતા ટેમ્પો ચાલક તુલસારામ ઉર્ફે તુલસી ભીમારામ ચૌધરી ઉ.વ.33 રહે.વાપી ચલા અક્ષરા એપાર્ટમેન્ટની ધરપકડ કરી ટેમ્પો અને દારૂ મળી કુલ રૂા.2,42,125નો મુદ્દામાલ જપ્ત કરવામાં આવ્યો હતો અને આ દારૂ હેરફેરીમાં વાપી મોરાઈ રહેતો એકનાથ પાટિલ અને સુરત માંડવી રહેતો મહેશ ચૌધરીની સંડોવણી બહાર આવતા આ બંનેને વોન્ટેડ જાહેર કરવામાં આવ્યા છે.
