(વર્તમાન પ્રવાહ ન્યુઝ નેટવર્ક)
દમણ, તા.15 : સંઘપ્રદેશના પ્રશાસક શ્રી પ્રફુલભાઈ પટેલે આજે નવનિર્મિત ગ્રામ પંચાયત વરકુંડને નિહાળી ખુબ જ ખુશ થયા હતા. નવનિર્મિત વરકુંડ પંચાયત ઘરની વ્યવસ્થા તથા લાઈબ્રેરીથી પણ ખુબ જ પ્રભાવિત થયા હતા.
પ્રશાસકશ્રીની મુલાકાત દરમિયાન વરકુંડ ગ્રામ પંચાયતના સરપંચ શ્રી કિરીટભાઈ મીટના, વરકુંડ જિલ્લા પંચાયતના સભ્ય શ્રી સદાનંદ મીટના તથા સોમનાથ બી-ના જિ.પં. સભ્ય શ્રીમતી વર્ષિકાબેન પટેલ, આટિયાવાડ જિ.પં.ના સભ્ય અને વરકુંડ પંચાયતનાનિવાસી શ્રીમતી સુનિતાબેન હળપતિ સહિત ગ્રામ પંચાયતના સભ્યો પણ ઉપસ્થિત રહ્યા હતા.
