(વર્તમાન પ્રવાહ ન્યુઝ નેટવર્ક)
સેલવાસ, તા.16: સેલવાસના આમલી વિસ્તારમાં આવેલ પ્રદીપ મોબાઈલ એસેસરી દુકાનનું શટર તોડી કોઈક ચોરટાંઓ ચોરી કરી ફરાઈ થઇ ગયા હતા. દુકાન માલિક પ્રદીપભાઈએ જણાવ્યું કે, રવિવારે રાત્રે નવ વાગ્યે દુકાન બંધ કરી ઘરે ગયા હતા અને રાત્રે બાર વાગ્યા સુધી દુકાન સહી સલામત હતી. સવારે જ્યારે દુકાન ખોલવા આવ્યો ત્યારે જોયું કે દુકાનનું શટર વચ્ચેના ભાગથી વળી ગયેલું હતું અને તાળુ પણ તુટેલું હતું. જે જોઈઆજુબાજુવાળા દુકાનદારો અને પોલીસને જાણ કરવામાં આવી હતી અને દુકાન ખોલીને જોતા રીપેરીંગ માટે આવેલ જૂના મોબાઈલો જેની અંદાજીત કિંમત રૂા.15 હજારની ચોરી થયેલ હોવાનું માલુમ પડયું હતું. ઘટનાની જાણ સેલવાસ પોલીસને થતાં તેમની ટીમ પહોંચી હતી અને દુકાનની અંદર તપાસ હાથ ધરી હતી. ઘટનાની ફરિયાદ નોંધી વધુ તપાસ સેલવાસ પોલીસ કરી રહી છે.
