નોટીફાઈડ ફાયરે ઘટના સ્થળે પહોંચી આગ કાબુ કરી :
અઠવાડીયામાં વાપીમાં બીજી દુકાનમાં આગ
(વર્તમાન પ્રવાહ વાપી બ્યુરો)
વાપી, તા.15: વાપી ચણોદમાં આજે ગુરૂવારે સવારે એક બંધ દુકાનમાં અચાનક આગ ભભૂકી ઉઠી હતી. આગની ઘટના બાદ લોકો દોડી આવ્યા હતા. ફાયર બ્રિગેડને જાણ કરાતા ફાયર ટીમ ઘટના સ્થળે ધસી આવીને આગ કાબુ કરી લીધી. બંધ દુકાન હોવાથી અન્ય દુર્ઘટના ટળીહતી.
વાપી શહેરમાં આ અઠવાડીયામાં દુકાનમાં આગ લાગવાની બીજી ઘટના ઘટી હતી. ચાર દિવસ પહેલા વાપી ટાઉનમાં નોવેલ્ટી સ્ટોરમાં લાગેલી આગની ઘટના બાદ આજે ચણોદમાં વહેલી સવારે કોઈ અગમ્ય કારણોસર બંધ દુકાનમાં અચાનક આગ લાગી હતી. જો કે આગ લાગવાનું કારણ અકબંધ છે. પરંતુ ઘટના બાદ લોકોએ નોટિફાઈડ ફાયરને જાણ કરી હતી તેથી ઘટના સ્થળે આવી ફાયર બ્રિગેડએ આગ કાબુ કરી લીધી હતી. અન્ય કોઈ અપ્રિય ઘટના આગને લીધે ઘટી નહોતી.
