(વર્તમાન પ્રવાહ ન્યુઝ નેટવર્ક)
દમણ, તા.16 : દમણ પોલીસે એક બંધ ઘરના દરવાજાનું તાળુ તોડી કબાટમાં રાખેલ રોકડા રૂપિયા તથા સોના-ચાંદીના ઘરેણાંની કરેલી ચોરીના આરોપીઓને માંડ 10 દિવસમાં પકડી રૂા.2.50 લાખના ઘરેણાં, એક મોબાઈલ ફોન તથા રોકડા રૂા.13800 બરામદ કરવા સફળતા મેળવી છે.
પ્રાપ્ત માહિતી પ્રમાણે ગત તા.6 ઓક્ટોબરની રાત્રે ફરિયાદીના બંધ ઘરમાંથી અજ્ઞાત વ્યક્તિઓએ ઘરના દરવાજાનું તાળુ તોડી રોકડ રૂપિયા અને સોના-ચાંદીના ઘરેણાંની ચોરી કરી હોવાની ફરિયાદ દમણ પોલીસમાં નોંધાવી હતી. જેના અનુસંધાનમાં આઈપીસીની 380 અને 457 કલમ અંતર્ગત ગુનો નોંધી પોલીસ ટીમ બનાવીને અલગ અલગ વિસ્તારમાં તપાસ માટે મોકલવામાં આવી હતી. દરમિયાન એક ગુપ્ત સૂત્રના આધારે સુરતના વિસ્તારમાં તપાસ કર્યા બાદ ચોરી કરનારી ગેંગને ત્યાંથી અટકમાં લેવા સફળતા મળી હતી અને આરોપીઓ પાસેથી રોકડા રૂા.13800 અને એક જોડી હાથની બંગડી રૂા.1 લાખ 55 હજાર, એક ચાંદીની પટ્ટી 170 ગ્રામ રૂા.10 હજાર, બે અલગ અલગ પ્રકારની ચાંદીની પાયલ કિંમત રૂા.2000, એક જોડી સોનાના શેર કિંમત લગભગ રૂા.25 હજાર, બે જોડી સોનાની કાનની બૂટ્ટીનો સેટ કિંમત લગભગ રૂા.60 હજાર, એક મોબાઈલ પણ જપ્ત કર્યો છે અને આરોપી(1)હરિઓમ – રહેવાસી નવસારી, મૂળ રહેવાસી આઝમગઢ(યુપી), (2)રાજગૌર- રહે. બનાસકાંઠા, મૂળ નિવાસી- નવસારી ગુજરાત, (3)બંટી રહે. નવસારી મૂળ નિવાસી નંદુરબાર-મહારાષ્ટ્રની ધરપકડ કરવા સફળતા મળી છે.