જીવ પ્રેમીએ સહી સલામત રીતે 10 ફૂટથી વધુ લંબાઈ ધરાવતા અજગરનું રેસ્કયુ કરતા લોકોએ રાહતનો શ્વાસ લીધો
(વર્તમાન પ્રવાહ ન્યુઝ નેટવર્ક)
પારડી, તા.18: પારડી તાલુકાના પરિયા ગામે બંધાડી ફળિયામાં આજરોજ સાંજે સુમનભાઈ પટેલના ઘર નજીક એક મહાકાય અજગર આવી ચઢયો હતો અને ત્યાં તે તેણે એક મરઘાંનું મારણ કર્યું હતું. આ મહાકાય અજગરને જોતા જસ્થાનિકોમાં ભયનો માહોલ ફેલાઈ ગયો હતો અને આ બાબત તેઓએ પરિયાના વેલવાગડ ખાતે રહેતા જીવ પ્રેમી એવા રજનીભાઈને આ બાબતે જાણ કરી હતી અને તેઓ ઘટના સ્થળે પહોંચી જઈ સહી સલામત રીતે અજગરનું રેસ્કયુ કરી લીધું હતું. આ અજગર અંદાજે 10 ફૂટથી વધુ લંબાઈ ધરાવતો હતો જેનું રેસકયું થતાં જ લોકોએ રાહતનો શ્વાસ લીધો હતો અને આ અજગરને ફોરેસ્ટ વિભાગને જાણ કર્યા બાદ જંગલમાં મુક્ત કરવામાં આવશે જેવું રજનીભાઈએ જણાવ્યું હતું.
