કૈલાસ રોડ સ્થિત પોતાના ઘરે શાકભાજી માર્કેટમાં ખરીદી કરી એક જ પરિવાર રિક્ષામાં જતો હતો ત્યારે સર્જાયેલ અકસ્માત
(વર્તમાન પ્રવાહ વાપી બ્યુરો)
વાપી, તા.19: વલસાડના છીપવાડ અંડરપાસ નજીક આજે ગુરૂવારે સવારે રિક્ષા પલટી મારી જતા અકસ્માત સર્જાયો હતો. અકસ્માતમાં ચાર મુસાફરો અને ચાલકને નાની મોટી ઈજા થઈ હતી. તમામ ઘાયલને કસ્તુરબા હોસ્પિટલમાં સારવાર માટે ખસેડાયા હતા.
વલસાડ કૈલાસનગર વિસ્તારમાં રહેતો પરિવાર શાકભાજી માર્કેટમાં ગુરૂવાર સવારે ખરીદી માટે આવ્યો હતો. ખરીદી બાદ ઘરે જવા માટે રિક્ષા નં.જીજે 15 ટીડી 2536માં સવાર થઈને જઈ રહ્યા હતા ત્યારે છીપવાડ અંડરપાસ નજીક રિક્ષાની બ્રેક ફેઈલ થતા રિક્ષા પલટી મારી ગઈ હતી. અકસ્માતમાં એક જ પરિવારનાચાર સભ્યો અને ચાલક ઘાયલ થયા હતા. તમામને નજીકની કસ્તુરબા હોસ્પિટલમાં સારવાર માટે ખસેડાયા હતા. સદ્દનસિબે મોટી દુર્ઘટના ટળી હતી.
