કામગીરીમાં અવરોધ થતા પાલિકાએ પોલીસ બંદોબસ્ત હેઠળ કામ શરૂ કરી દીધું : અંતે શનિવારે ડી.એલ.આઈ. વિભાગે માપણી પૂર્ણ કરી
(વર્તમાન પ્રવાહ વાપી બ્યુરો)
વાપી, તા.08 : વાપી નગરપાલિકાનો મહત્વાકાંક્ષી સુએઝ ટ્રીટમેન્ટ પ્લાન્ટ નામધા વિસ્તારમાં શરૂ થવા જઈ રહ્યો હતો ત્યાં સ્થાનિકો અને રાજકીય આગેવાનોએ શુક્રવારે ભારે વિરોધ કર્યો હતો તેથી પોલીસ બંદોબસ્ત રાખવો પડયો હતો. વિરોધના સૂર વધુ વકરે તે પહેલાં જ શનિવારે વલસાડ ડી.એલ.આઈ. વિભાગી સુચિત પ્રોજેક્ટની માપણી પૂર્ણ કરી દીધી હતી.
જી.યુ.ડી.સી. દ્વારા વાપી માટે બે એમ.એલ.ડી. સુએઝ પ્લાન્ટ જે તે ટાઈમે મંજુરી આપી દીધીહતી. પૂર્વ પાલિકા પ્રમુખ હાર્દિક શાહએ આ સુએઝ પ્લાન્ટ માટે સારી એવી જહેમત પણ ઉઠાવી હતી. હવે તેને કાર્યરત કરવાના શ્રી ગણેશ કર્યા ત્યારે સ્થાનિકો અને કેટલાક સ્વાર્થી રાજકારણી આડા ફાટતા શુક્રવારે ભારે વિરોધ પ્રદર્શીત કર્યો હતો. પરંતુ પોલીસ બંદોબસ્ત હેઠળ સુચિત કામગીરીની મુખ્ય બાબત શનિવારે માપણીની કામગીરી વલસાડ ડી.એસ.આઈ. વિભાગે પુરી કરી દીધી હતી.
