(વર્તમાન પ્રવાહ ન્યુઝ નેટવર્ક)
દમણ, તા.19 : આજે રમત ગમત વિભાગ, દમણ દ્વારા આયોજિત દમણની વિવિધ શાળાઓના વિદ્યાર્થીઓ માટે જિલ્લા વર્ગ (આંતર શાળા જિલ્લા) રમત ગમત સ્પર્ધાનું આયોજન કરવામાં આવ્યું હતું. જેમાં ગઈકાલની જેમ જ આંતર જિલ્લા કક્ષાની ખો-ખો સ્પર્ધામાં સરકારી ઉચ્ચતર પ્રાથમિક મોડલ શાળાએ ભાગ લીધો હતો. જેમાં વિદ્યાર્થી ખેલાડીઓ શાનદાર પ્રદર્શન કરી પ્રથમ ક્રમે વિજેતા બન્યા હતા.
આ પ્રથક ક્રમે વિજેતા બનેલ ટીમના કેપ્ટન નસીબ તથા સમગ્ર ટીમનું મેડલ અને ટ્રોફીથી સન્માન કરવામાં આવ્યું હતું. મોડેલ સ્કૂલ નાની દમણના શિક્ષક શ્રી મહાલપ્પા તેમના માર્ગદર્શક રહ્યા હતા.
મોડલ સ્કૂલના નવનિયુક્ત મુખ્ય શિક્ષક શ્રી કિરીટભાઈએ રમત ગમતમાં ઉત્કૃષ્ટ પ્રદર્શન કરનાર વિદ્યાર્થીઓ અને તેમના માર્ગદર્શક શિક્ષકોને અભિનંદન પાઠવ્યા હતા.
