કન્ટેનર ચાલક સૌરબ જેનુખાન તથા ટ્રાન્સપોર્ટ મેનેજર નરેન્દ્ર રાજકરણ સિંઘની અટક : ગુટખા અને કન્ટેનર મળી રૂા.40.94 લાખનો મુદ્દામાલ જપ્ત
(વર્તમાન પ્રવાહ વાપી બ્યુરો)
વાપી, તા.01: વાપી જીઆઈડીસી ફસ્ટ ફેઈઝમાં પોલીસે રૂા.25.84 લાખ ગુટખાનો ગેરકાયદેસરનો જથ્થો ઝડપી પાડયો હતો. જેની તપાસમાં પોલીસે કન્ટેનર ચાલક અને ટ્રાન્સપોર્ટ મેનેજરની ધરપકડ કરી છે.
વાપી ડિવિઝન ડી.વાય.એસ.પી. બી.એન. દવેએ વિગતો જણાવતા માહિતી આપી હતી કે પોલીસે બાતમીમુજબ ફક્ત ફેઝ દિલેશ કોમ્પલેક્ષ દુકાન નં.9માં આવેલ કિયા શક્તિ લોજીસ્ટીક ટ્રાન્સપોર્ટ સામે રોડ ઉપરથી કન્ટેનર ચાલકના કબજામાં કન્ટેનર નં.આરજે 14 1621માં પુરાવા વગરનો ગુટખાનો જથ્થો મળી આવ્યો હતો. પોલીસે ચાલક સૌરાબ જેનુખાનની અટક કરી વધુ પૂછપરછ કરતા કિયા શક્તિ લોજીસ્ટીક ટ્રાન્સપોર્ટના મેનેજરની કથિત સંડોવણી જણાઈ આવતા તેની પણ પોલીસે ધરપકડ કરી હતી. 25,84,080 રૂપિયાનો ગુટખાનો જથ્થો તથા કન્ટેનર મળી 40,94,080 રૂપિયાનો મુદ્દામાલ પોલીસે જપ્ત કરી ગુનાનો ભેદ ઉકેલી દીધો હતો. ગયા અઠવાડીયા ડુંગરી ફળીયા કરવડના ગોડાઉનમાં 98 લાખનો ગુટખાનો જથ્થો ઝડપાયો હતો. સાથે જ આ કન્ટેનરમાં ભરેલ ગુટખાનો જથ્થો ઝડપાતા ગુટખા માફીયાઓ ઉપર પોલીસની બાજ નજર જોવા મળી રહી છે.
