નિતીશકુમારે વિધાનસભામાં ભાન ભુલીને બિભત્સ સ્પીચ આપી હતી,
જેનો વિરોધ દેશભરમાં થયો
(વર્તમાન પ્રવાહ વાપી બ્યુરો)
વાપી, તા.09: બિહારના મુખ્યમંત્રી નિતીશકુમારે વિધાનસભામાં બિભત્સ સ્પીચ આપી હતી. મહિલાઓના અપમાનજનક શબ્દોએ દેશભરમાં ખળભળાટ મચાવી દીધો છે. જેના પડઘા વલસાડમાં પડયા હતા. વલસાડ આઝાદ ચોકમાં ભાજપ પરિવારે નિતીશકુમારના પુતળાનું દહન કરીને તેમની ડર્ટી સ્પીચનો જાહેરમાં વિરોધ પ્રદર્શન કર્યું હતું.
બિહાર વિધાનસભામાં મુખ્યમંત્રી નિતીશકુમારે કાનેથી સાંભળી ના શકાય તેવી સેક્સ માટેની ડર્ટી સ્પીચ આપી હતી. જેના પ્રત્યાઘાત દેશમાં પડયા છે. ઠેર ઠેર નિતીશકુમારનો વિરોધ થઈ રહ્યો છે. ભાજપને મોટો મુદ્દો ચૂંટણીમાં મળી ગયો છે. આજે આઝાદ ચોક વલસાડમાં ધારાસભ્ય ભરતભાઈ પટેલની રાહબરીમાં ભાજપ કાર્યકરોએ નિતીશકુમારનું પૂતળું બાળી બિભત્સ સ્પીચનો સખ્ત વિરોધ નોંધાવ્યો હતો. મહિલા મોરચાના પ્રમુખ પ્રવિણાબેન, જિલ્લા ભાજપ પ્રમુખ હેમંત કંસારા, મહામંત્રી સિલ્પેશ દેસાઈ જેવા આગેવાનો ઉપસ્થિત રહ્યા હતા.
