(વર્તમાન પ્રવાહ વાપી બ્યુરો)
વાપી, તા.26 : ગુજરાત રાજ્યમાં હવામાન ખાતાની આગાહી હતી કે તા.26 થી 28 સુધી કમોસમી વરસાદ પડશે તે અનુસાર આજે વહેલી સવારથી વલસાડ જિલ્લાના વાતાવરણમાં અચાનક પલટો આવતા ઠેર ઠેર કમોસમી વરસાદ પડયો હતો.
હવામાન વિભાગે આગાહી કરી હતી કે વેસ્ટર્ન ડીસ્ટબર્સને લઈ હવામાનમાં પલટો આવશે તેમજ ગુજરાતમાં તા.26, 27 અને 28મીએ કમોસમી વરસાદ પડશે તે અનુસાર આજે રવિવારે સવારથી અચાનક વાતાવરણમાં પલટો આવ્યો હતો. ક્યાંક કડાકા ભડાકા સાથે વરસાદ પડયો હતો. શિયાળામાં જ કમોસમી વરસાદને ચોમાસાનો અહેસાસ થયો હતો. જો કે કમોસમી વરસાદ નુકશાન કર્તા નિવડયો છે. ખાસ કરીનેખેતીના તૈયાર પાકો ખરાબ થતા ખેડૂતોમાં કમોસમી વરસાદથી વધુ ચિંતા થઈ છે. બીજી તરફ લગ્નસરાની સિઝન પણ ચાલી રહી છે. તેમાં વરસાદ વિલ બન્યો છે. જિલ્લામાં અનેક જગ્યાએ ખુલ્લામાં બંધાયેલા મંડપો વરસાદી વાતાવરણમાં વેરવિખેર બની જતા લગ્નનો આનંદ ઝૂંટવાતો જોવા મળ્યો હતો. હજુ બે દિવસ વરસાદી વાતાવરણ રહે તેવું અનુમાન છે.