હાલમાં પાલિકા દ્વારા સફાઈ અભિયાન ચલાવાઈ રહ્યું છે પરંતુ દિવા તળે અંધારુ એવો ઘાટ શાકભાજી માર્કેટમાં સર્જાયો છે
(વર્તમાન પ્રવાહ વાપી બ્યુરો)
વાપી, તા.07: વાપી નગરપાલિકા દ્વારા હાલમાં રાષ્ટ્રિય સફાઈ અભિયાન કાર્યક્રમ હેઠળ સફાઈ અભિયાન શહેરમાં ચાલી રહ્યું છે પરંતુ આ અભિયાન છેદ ઉડાડતી ઘટના પ્રકાશમાં આવી છે. વાપી જુના શાકભાજી માર્કેટમાં છેલ્લા બે-ત્રણ દિવસથી ગટરનું ગંદુ પાણી ખુલ્લામાં વહી રહ્યું છે. જેની રજુઆત અને ફરિયાદ પાલિકામાં કરવામાં આવી હોવા છતાં પરિણામ શુન્ય રહ્યું છે.
વાપી નગરપાલિકા વિસ્તારમાં અત્યારે રાષ્ટ્રિય સફાઈ અભિયાન અંતર્ગત શહેરમાં સફાઈ અભિયાન ચલાવાઈ રહ્યું છે. રાબેતા મુજબ ફોટો શેશન થઈ રહ્યા છે. અભિયાન આગળ ધપી રહ્યું છે. પરંતુ આ અભિયાનનો સાથે સાથે છેદ પણ ઉડી રહ્યો છે. જુના શાકભાજી માર્કેટમાં છેલ્લા બે ત્રણ દિવસથી ગંદુ પાણી જાહેરમાં વહી રહ્યું છે. તેની સ્થાનિક વેપારીઓએ પાલિકામાં ફરિયાદ કરી જાણ પણ કરી છે. પરંતુ માર્કેટમાં ગટરનું પાણી યથાવત વહી રહ્યું છે. પરિણામે વેપારીઓઅને શાકભાજી લેવા આવતા લોકો પણ હાલમાં પારાવાર મુશ્કેલી વેટી રહ્યા છે. જોવુ એ રહેશે કે આ કામગીરી ક્યારે થાય છે.
