શાળા પરિવારે ઉજ્જવળ ભવિષ્યની કરેલી કામના
(વર્તમાન પ્રવાહ ન્યુઝ નેટવર્ક)
દમણ, તા.08 : સંઘપ્રદેશ દાદરા નગર હવેલી અને દમણ-દીવ પ્રશાસનના સ્પોર્ટ્સ વિભાગ દ્વારા આજે યુ.ટી. સ્તરની કરાટે સ્પર્ધા દાદરા નગર હવેલી ખાતે આયોજીત થઈ હતી. તેમાં દમણવાડા ઉચ્ચ પ્રાથમિક શાળાની ધોરણ 7ની વિદ્યાર્થીની કુ. પરી વિમલેશ ગીરી ભારત સરકારના ‘સ્કૂલ ગેમ ફેડરેશન ઓફ ઈન્ડિયા(એસ.જી.એફ.આઈ.)’ દ્વારા 15 થી 19 ડિસેમ્બર, 2023એ નવી દિલ્હીના છાત્રસાલ સ્ટેડિયમ ખાતે આયોજીત થનારી નેશનલ ચેમ્પિયનશીપમાં ભાગ લેવા માટે પસંદગી થઈ હતી.
કુ. પરી વિમલેશ ગીરીની સિદ્ધિ બદલ શાળા પરિવારે અભિનંદન પાઠવી તેમના ઉજ્જવળ ભવિષ્ય માટે કામના કરી હતી.
