(વર્તમાન પ્રવાહ ન્યુઝ નેટવર્ક)
ચીખલી,(વંકાલ), તા.21: બીલીમોરા – ચીખલી સહિત ખેરગામ પંથકમાં હોળીના તહેવાર માટેની જરૂરી પૂજાની સામગ્રીઓ તેમજ રંગબેરંગીની પિચકારીઓનું વેચાણ કરતી દુકાનો શરૂ થઈ ચૂકી છે. જ્યારે પિચકારીઓમાં નવી – નવી વેરાયટીઓ સાથે રૂ.20 થી લઈ ને રૂ.800 સુધીની પિચકારીઓ બજારોમાં મળી રહી છે. સાથે ગુલાલ અને અલગ – અલગ રંગોનું વેચાણ કરાઈ રહ્યું છે. ગત વર્ષ કરતા કલર અને પિચકારીઓમાં 10 થી 15 ટકા સુધીમાં ભાવોમાં વધારો હોવાનું વેપારીઓ જણાવી રહ્યા છે. હાલે હોળી-ધુળેટીના પર્વને ગણતરીના દિવસો બાકી રહ્યા છે. ત્યારે બજારોમાં ખરીદી સારી રહેતા વેપારીઓ પણ તહેવાર સારો જવાની આશા વ્યક્ત કરી હતી.
