(વર્તમાન પ્રવાહ વાપી બ્યુરો)
વાપી, તા.11: શ્રી એલ.જી. હરિયા મલ્ટી પર્પઝ સ્કૂલ, સિલવાસ રોડ, વાપીના અમારી શાળાના વિદ્યાર્થીઓએ પોપ્યુલર ક્વિઝ કોન્ટેસ્ટ-2023, જે વાપી કનાડા સંઘ દ્વારા 9 ડિસેમ્બરના રોજ આયોજિત કરવામાં આવી હતી. જેમાં કુલ 18 સ્કૂલોએ ભાગ લીધો હતો. ચાર ગ્રુપમાં આ સ્પર્ધા આયોજિત કરવામાં આવી હતી. શ્રી એલ.જી. હરિયા મલ્ટી પર્પઝ સ્કૂલ વાપીના વિદ્યાર્થી પ્રથમ ગ્રુપમાં – માસ્ટર હેરમ શર્મા જે ચોથા ધોરણમાં છે અને માસ્ટર જેનીમ ભાડજા જે ત્રીજા ધોરણમાં છે. જેમણે ગ્રુપ એકમાં પ્રથમ ક્રમ પ્રાપ્ત કર્યો છે. બીજા ગ્રુપમાં – માસ્ટર અનમોલ શ્રીવાસ્તવ જે સાતમા ધોરણમાં છે. માસ્ટર પ્રયાગ કુલકર્ણી જે છઠ્ઠા ધોરણમાં છે. જેમણે ગ્રુપ બે માં ત્રીજો ક્રમ પ્રાપ્ત કર્યો છે. ચોથા ગ્રુપમાં – માસ્ટર નારાયણ સિંગ અને માસ્ટર હર્ષ રાજપુરોહિત જે ધોરણ 11ના વિદ્યાર્થીઓ છે જેમણે પ્રથમ ક્રમ પ્રાપ્ત કર્યો છે. આ બધા વિદ્યાર્થીઓને પુરસ્કાર મળવાથી ઓવરઓલ ટ્રોફી પણ શ્રી એલજી હરિયા મલ્ટી પર્પઝ સ્કૂલને જપ્રાપ્ત થયો છે. આ દરેક વિદ્યાર્થીઓ અને શિક્ષકોને શાળાના આચાર્ય શ્રીમતી બીન્ની પોલ અને ટ્રસ્ટી મેમ્બર દ્વારા શુભેચ્છા પાઠવવામાં આવે છે.
