(વર્તમાન પ્રવાહ વાપી બ્યુરો)
વાપી, તા.11: દહાણુંમાં ભારત સરકારનો ફેટ કોરીડોર પ્રોજેક્ટ કાર્યરત છે. જેનું સંચાલન ઈસ્કોન ઈન્ટરનેસનલ લી. નામની કંપની કરી રહી છે. જેનો કોન્ટ્રાક્ટ રિપિટ કરવા માટે કંપની મેનેજરએ રૂા.1.50 લાખની લાંચ માંગી હતી. અંતે એક લાખ નક્કી થયા હતા. તે મુજબ રૂા.50 હજારની લાંચ કોન્ટ્રાક્ટર પાસેથી સ્વિકારતા એ.સી.બી.એ બિલિમોરામાં છટકું ગોઠવી મેનેજરને રંગે હાથ ઝડપી પાડયો હતો.
ફેટ કોરીડોર દહાણુનો પાટા નાખવાનો કોન્ટ્રાક્ટ જે કોન્ટ્રાક્ટરને મળ્યો હતો તે ત્રણ માસ પુરા થતા કોન્ટ્રાક્ટની મુદત પુરી થતા કોન્ટ્રાક્ટર મુદત પુરી થતા કોન્ટ્રાક્ટરે ઈસ્કોન ઈન્ટરનેશનલ લી.ના મેનેજર સ્વરૂપકુમાર રાજેન્દ્રકુમાર પાલનો સંપર્ક કરી કોન્ટ્રાક્ટ રિપિટ કરવાની માંગણી કરી હતી તે માટે રૂા.1.50 લાખની મેનેજરે માંગણી કરી હતી. અંતે લાખમાં નક્કી થયેલ પરંતુ કોન્ટ્રાક્ટર લાંચ આપવા માંગતો નહોતો તેથી એસીબીમાં ફરિયાદ નોંધાવી હતી.એ.સી.બી.એ બિલિમોરા લક્ષ્મી પેલેસમાં છટકું ગોઠવ્યું હતું. કોન્ટ્રાક્ટર એક લાખ પૈકીના 50 હજાર મેનેજરને હોટલમાં બોલાવેલો ત્યારે રોકડા રૂપિયા 50 હજારની લાંચની રકમ સ્વિકારતા મેનેજર સ્વરૂપકુમાર પાલ રંગે હાથ ઝડપાઈ જતા કાયદેસરની કાર્યવાહી એ.સી.બી. ટ્રેપીંગ અધિકારી કે.આર. સક્સેનાએ કરી હતી.
