કોચરવા વિસ્તારના અસામાજીકોની લુખ્ખી દાદાગીરીની વ્યાપક ફરિયાદો ઉઠી રહી છે
(વર્તમાન પ્રવાહ વાપી બ્યુરો)
વાપી, તા.12
વાપી જી.આઈ.ડી.સી. થર્ડફેઝ વિસ્તારમાં કાર્યરત એક મોબાઈલ શોપમાં રીચાર્જ કરાવી દુકાનદારે પૈસા માંગતા ધમકી અને મારઝૂડ દાદાગીરી ઉપર ઉતરી આવેલ ગ્રાહક વિરૂધ્ધ ફરિયાદ નોંધાઈ હતી.
વાપી જી.આઈ.ડી.સી. થર્ડફેઝ રોડ ઉપર સંજીવ પટેલ રહે.વાંસદા મોબાઈલ શોપ ચલાવે છે. ગતરોજ સવારે કમલેશ નામના ગ્રાહકે રીચાર્જ કરાવ્યું હતું. સંજીવે બોણીના સમયે પૈસા રોકડા આપવાની વાત કરતા કમલેશ ગુસ્સો કરીને દાદાગીરી ઉપર ઉતરી આવ્યો હતો તેથી દુકાન સંચાલકે ગ્રાહક આરોપી કમલેશ વિરૂધ્ધ પોલીસમાં ફરિયાદ નોંધાવી હતી. દુકાનદાર સંજીવના જણાવ્યા મુજબ કોચરવા ગામના અસામાજીકોની દાદાગીરી રોજની છે. મોબાઈલ ખરીદી કરીને રીચાર્જ કરાવી પૈસા માટે વારંવાર ઝઘડો કરી દાદાગીરી સામાન્ય વાત બની ગઈ છે. પોલીસે આગળની કાર્યવાહી હાથ ધરી છે.
