(વર્તમાન પ્રવાહ ન્યુઝ નેટવર્ક)
પારડી, તા.14: પારડી તાલુકાના સામરપાડા સામરી ફળિયા ખાતે રહેતા ભરતભાઈ મોતીભાઈ પટેલ ઉંમર વર્ષ 50 પોતાના ઘર સામરપાડા ખાતે જ છેલ્લા 20 વર્ષથી રીક્ષા રીપેરીંગનું કામ કરે છે.
તારીખ 4-12-2023 ના રોજ પત્ની વનીતાબેન જોડે સામાન્ય બોલાચાલી થતા ભરતભાઈ પોતાની રીક્ષા નંબર જીજે 15 વાય 8034 માં રીક્ષા રીપેરીંગનો સામાન લઈ ઘર છોડીને ચાલ્યા ગયા હતા.
ભરતભાઈનો છોકરો અંકિત તથા પત્ની વનિતાએ આજુબાજુ સગા સંબંધીઓ તથા અન્ય દરેક જગ્યાએ ભરતભાઈને શોધવા છતાં મળી ન આવતા આજે દસ દિવસ બાદ ભરતભાઈના છોકરા અંકિતે પિતા ગુમ થયાની ફરિયાદ પારડી પોલીસ સ્ટેશને નોંધાવી હતી.
ભરતભાઈ ઘઉં વર્ણના પાતળા બંધાના અને શરીરે સફેદ બ્લુ લીટી વાળોલાંબી બાયનો શર્ટ અને કાળા કલરનું ટ્રેક પેન્ટ અને ચંપલ પહેર્યું હોય જો કોઈને ભરતભાઈ અંગે જાણ કે માહિતી મળે તો પારડી પોલીસ સ્ટેશનનો સંપર્ક કરવા જણાવાયું છે.
