(વર્તમાન પ્રવાહ ન્યુઝ નેટવર્ક)
સેલવાસ, તા.19 : દાદરા નગર હવેલીના કલા ગામ ખાતે આવેલ કે.બી.એસ. ઇન્ડસ્ટ્રીઝ લિમિટેડ કંપનીમાં ઈન્કમ ટેક્સ (આઇ.ટી.) વિભાગ દ્વારા સર્વે હાથ ધરવામાં આવ્યો હતો.
પ્રાપ્ત માહિતી પ્રમાણેમધ્ય રાત્રિના 12વાગ્યેથી જ ઈન્કમ ટેક્સ (આઇ.ટી.) વિભાગની ટીમ દોડી આવી હતી અને સર્વેની કામગીરી હાથ ધરી હતી. આ કામગીરી દરમ્યાન કંપની સંચાલકો સહિત કામદારોને પણ બહાર નીકળવા દીધા ન હતા. ઈન્કમ ટેક્સ વિભાગની ઓચિંતી સર્વે કામગીરીથી કામદારોમાં ભારે રોષની લાગણી ફેલાઈ હતી. જ્યારે કંપની સંચાલકોમાં ફફડાટ જોવા મળ્યો હતો.
