માહ્યાવંશી સમાજના યુવાનોમાં ખેલદિલી અને સંગઠનની ભાવના વિસ્તારવાના હેતુથી ભામટી નાઈટ ક્રિકેટ ટૂર્નામેન્ટનું કરાયેલું આયોજનઃ સમાજના ખેલાડીઓમાં ભારે ઉત્સાહ
(વર્તમાન પ્રવાહ ન્યુઝ નેટવર્ક)
દમણ, તા.21: માહ્યાવંશી સમાજના યુવાનોમાં ખેલદિલી અને સંગઠનની ભાવના વિસ્તારવાના હેતુથી ભામટી ગામ દ્વારા બામણપૂજા નજીક ઉમરગામ તાલુકાના પાલી કરમબેલી ખાતે આવેલ આર.કે. ક્રિકેટ ગ્રાઉન્ડમાં નાઈટ ક્રિકેટ ટૂર્નામેન્ટનું આયોજન કરવામાં આવ્યું છે.
આજે ભામટી માહ્યાવંશી નાઈટ ક્રિકેટ ટૂર્નામેન્ટનો દમણ જિલ્લામાહ્યાવંશી સમાજના પૂર્વ પ્રમુખ અને સંઘપ્રદેશ પ્રશાસનના વિદ્યુત વિભાગના નિવૃત્ત સહાયક એન્જિનિયર શ્રી અનિલભાઈ દમણિયા અને દમણવાડા ગ્રામ પંચાયતના સરપંચ શ્રી મુકેશ ગોસાવીએ આરંભ કરાવ્યો હતો. આ પ્રસંગે મોટી સંખ્યામાં દમણ જિલ્લાના ક્રિકેટ ખેલાડીઓ ઉપસ્થિત રહ્યા હતા.
ભામટી માહ્યાવંશી નાઈટ ક્રિકેટ ટૂર્નામેન્ટની ફાઈનલ શનિવાર તા. 23મી ડિસેમ્બરના રોજ યોજવામાં આવનાર હોવાનું આયોજકો દ્વારા જણાવાયું છે.
