ટોર્ચથી રેલવે સ્ટાફે આખી ટ્રેનનું ચકિંગ કર્યું : કંઈ મળી ના આવ્યું: ૪૦ મિનિટ ફાટક બંધ રહેતા વાહનોની કતારો લાગી ટ્રાફિકજામ થઈ ગયો
(વર્તમાન પ્રવાહ વાપી બ્યુરો)
વાપી, તા.29: જયપુરથી બાન્દ્રા તરફ જઈ રહેલી જયપુર બાન્દ્રા ટ્રેન ગુરૂવારે રાતે વાપી ફાટક ઉપર 40 મિનિટ ઉપરાંત થોભી જતા મુસાફરોમાં અજુગતુ બન્યાનો ભય ફેલાયો હતો. અંધારામાં રેલવે સ્ટાફે આખી ટ્રેન ટોર્ચના અજવાળામાં ચેકિંગ કરી હતી.
જયપુર બાન્દ્રા મુંબઈ તરફ જઈ રહેલી ટ્રેન રાતે ફાટક વચ્ચોવચ્ચ અચાનક લાંબા સમય સુધી થોભી હતી. આખી ટ્રેનનું રેલવે સ્ટાફે ચેકિંગ કર્યું હતું. બીજી તરફ મુસાફરોમાં ભય સાથે તરેહ તરેહની અફવાઓનો માહોલ છવાઈ ગયો હતો. રેલવે સ્ટાફે આખી ટ્રેન ટોર્ચના અજવાળાથી ચેકિંગ કર્યું. ટ્રેનની આગળ પણ કંઈ મળી આવ્યું નહોતું. બીજી તરફ લાંબા સમય સુધી ફાટક બંધ રહેતા વાહનોની કતારો લાગી જતા ટ્રાફિક જામ થઈ ગયો હતો. સંપુર્ણ ટ્રેન ચેકિંગ બાદ મુંબઈતરફ જવા રવાના કરાઈ હતી. પરંતુ કેમ થોભાવાઈ એનું સસ્પેન્શ હજુ સુધી બરકરાર રહ્યું છે.
