(વર્તમાન પ્રવાહ ન્યુઝ નેટવર્ક)
સેલવાસ,તા.01 : દાદરા નગર હવેલીના નરોલી ગામે કનાડુ ફાટક નજીક આવેલ પર્લ થેર્મોપ્લાસ્ટ પ્રાઇવેટ લીમીટેડ કંપનીમાં કામ કરતા કામદારો પગાર ઓછો આપતા હોવાના મુદ્દે હડતાલ પર ઉતર્યા હતા. કામદારો જણાવ્યા પ્રમાણે સરકાર હાલમાં અમોને ફક્ત ત્રણસો રૂપિયા રોજના આપવામાં આવે છે. પ્રશાસન દ્વારા જે મિનિમમ દર નક્કી કરવામાં આવ્યા છે એના કરતા પણ ઓછો પગાર આપવામાં આવે છે. જેથી અમને પણ પ્રશાસન દ્વારા નક્કી કરવામાં આવેલ દરો મુજબ પગાર મળવો જોઈએ એવી અમારી માંગ છે. આ કામદારો લેબર ઓફિસમાં પહોંચી લેબર ઓફીસરને પણ લેખિત રજૂઆત કરી હતી. લેબર ઓફીસરે કંપનીના કામદારોને એક અઠવાડિયામાં પ્રશ્નનો યોગ્ય ઉકેલ લાવવાની બાંહેધરી આપી હતી અને કામદારોને હડતાલ બંધ કરવા તાકીદ કરવામાં આવી હતી.