કિર્તિ સુરેશભાઈ ગામિત ઉ.વ.29 બાઈક ઉપર સ્કૂલમાં નોકરી જવા નિકળ્યા હતા
(વર્તમાન પ્રવાહ વાપી બ્યુરો)
વાપી, તા.05: કપરાડાના માંડવા પાસે આજે સવારે સ્કૂલ બસના ડ્રાઈવર નોકરી જવા માટે બાઈક ઉપર નિકળ્યા હતા ત્યારેટ્રક બાઈક ઉપર ફરી વળતા ડ્રાઈવર યુવાનને સારવાર માટે ખસેડાયેલ જ્યાં સારવારમાં કરુણ મોત નિપજ્યું હતું.
કપરાડાના માંડવા ફળીયામાં રહેતા 29 વર્ષિય કિર્તિ સુરેશભાઈ ગામીત સવારે 7 વાગ્યાના સુમારે ઘરેથી બાઈક ઉપર નાનાપોંઢા નોકરી જવા નિકળ્યા હતા ત્યારે માંડવા પાસે ટ્રાફિક હોવાથી કિર્તિ બાઈક ઉપર બેઠો હતો ત્યાં બેફામ આવતી ટ્રક બાઈક સાથે ભટકાતા બાઈક ઉપરથી પટકાયો હતો. ઘાયલ હાલતમાં પ્રથમ નાનાપોંઢા સરકારી બાદ ખાનગી ચિરંજીવી હોસ્પિટલમાં ખસેડાયેલ પરંતુ સ્થિતિ ગંભીર હોવાથી વલસાડ કસ્તુરબા હોસ્પિટલમાં કિર્તિને લઈ જવાયેલ પરંતુ સારવાર દરમિયાન તેણે દમ તોડી દેતા કરુણ મોત થયું હતું.