કુતરાએ ખળભળાટ કરતા માલિક જાગી જતા દીપડો ભાગી છૂટ્યો
(વર્તમાન પ્રવાહ ન્યુઝ નેટવર્ક)
ચીખલી(વંકાલ), તા.29: ચીખલી તાલુકાના કુકેરીમાં રાત્રિ દરમિયાનદીપડો ઘરની પેજારીમાં ધસી આવી બેડ સાથે બાંધેલા કુતરા પર હુમલો કરતા કુતરાએ ખળભળાટ કરતા માલિક જાગી જતા દીપડો નાસી ગયો હતો. ઈજાગ્રસ્ત કૂતરાની પશુ ચિકિત્સક પાસે સારવાર કરાવાઈ હતી.
પ્રાપ્ત વિગત મુજબ ફૂકેરીમાં ચીખલી વાંસદા રોડ સ્થિત ભુવનેશ્વર મહાદેવજીના મંદિર સામે બુધવારની રાત્રીએ ચંદ્રસિંહ રામસિંહ પરમાર ઘરની પાછળ પેજારીમાં બેડ પર ઊંઘેલા હતા તે દરમિયાન રાત્રિના બારેક વાગ્યાના અરસામાં પેજારીમાં દીપડો ધસી આવી બાજુના બેડ સાથે બાંધેલા પાડેલા કુતરા પર હુમલો કરતાં કૂતરાએ ખળભળાટ કરતા ચંદ્રસિંહ જાગી જતા બૂમો પાડતા દીપડો અંધારામાં ભાગી ગયો હતો.
દીપડાના હુમલામાં ઈજાગ્રસ્ત કૂતરાની સારવાર પશુચિકિત્સક પાસે કરાવતા બચી ગયો હતો જો કે કુકેરીમાં દીપડો ઘર સુધી ધસી આવતા અને તે અંગેની વાત વાયુવેગે ફેલાતા સ્થાનિકોમાં ભયનો માહોલ ફેલાવા પામ્યો હતો સ્થાનિકોએ ખાસ કરીને રાત્રી દરમિયાન ખેતરમાં કે બીજે અવર જવર કરવામાં સાવચેતી રાખવાની નોબત આવી છે.