(વર્તમાન પ્રવાહ ન્યુઝ નેટવર્ક)
સેલવાસ, તા.14: દાદરા નગર હવેલી પોલીસ દ્વારા વાહનચોરીના કેસમાં મહારાષ્ટ્રથી એક આરોપીની ધરપકડ કરી અંદાજીત 5.50લાખની કિંમતનું વાહન જપ્ત કરવામાં આવ્યું છે. નરોલી ગામના ગણપતિ કાંગુલે (ઉ.વ.38) રહેવાસી ઈશ્વરભાઈની ચાલ, સિંદુર ફળિયા, અથાલ જેઓએ 13 ફેબ્રુઆરીના રોજ નરોલી પોલીસ સ્ટેશનમાં એમના વાહન ચોરાઈ હોવાની ફરિયાદ નોંધાવી હતી. પોલીસે આઇપીસી 379 મુજબ ગુનો નોંધી વધુ તપાસ હાથ ધરી હતી. પોલીસ તપાસ દરમ્યાન ચોરીનું વાહન માઉન્ટેન હોટેલ, મનોર, પાલઘર ખાતે પાર્ક કરેલ હોવાની માહિતી મળતા નરોલીના એસ.એચ.ઓ. પી.એસ.આઇ. શ્રી સ્વાનંદ ઇનામદાર ટીમ બનાવી ઘટના સ્થળે પહોંચી ચોરીનું વાહન શોધી કાઢ્યું હતું અને આરોપી કૃષ્ણા દેવીશંકર વર્મા (ઉ.વ.40) રહેવાસી પનવેલ, જિલ્લો રાયગઢ,મહારાષ્ટ્ર. મૂળ રહેવાસી ઉત્તરપ્રદેશનાને ઝડપી પાડી ધરપકડ કરવામાં આવી હતી.
આરોપી પાસેથી વાહન જપ્ત કરવામાં આવ્યું
નરોલી પોલીસે સઘન પૂછપરછ કરતા આરોપી આંતરરાજ્ય ગુનેગાર અને અન્ય વાહનચોરીના અનેક કેસોમાં સંડોવાયેલો હોવાની પણ કબુલાત કરી હતી. આ કેસની વધુ તપાસ નરોલી પોલીસ કરી રહી છે.