(વર્તમાન પ્રવાહ ન્યુઝ નેટવર્ક)
પારડી, તા.16: સુરતના ગડોદરા ધીરજ નગર ખાતે રહેતા અને માળીનું કામ કરી પોતાના પરિવારનું ગુજરાન ચલાવતા વિનયભાઈ શીતલાભાઈ પ્રસાદનો 17 વર્ષીય અસ્થિર મગજનોસગીર ઓમ વિનયભાઈ પાંડે ગઈકાલે પોતાના ઘર આંગણામાંથી રમતા રમતા અચાનક ગુમ થઈ જતા સમગ્ર પરિવાર ચિંતાતુર બની તેની શોધખોળ ચલાવી રહ્યો હતો.
બીજી તરફ પારડી પોલીસ સ્ટેશનના ચંદુભાઈ તથા ભરતભાઈ વિગેરે ગઈકાલે રાત્રે પેટ્રોલિંગ કરી રહ્યા હતા આ દરમિયાન પારડીના મોતીવાડા ગામ પાસે એક સગીર બાળક આટા ફેરા મારી રહ્યો હોવાની માહિતી મળતા પારડી પોલીસ તાત્કાલિક સ્થળ પર પહોંચી સગીર બાળકને પોલીસ સ્ટેશન લાવી પૂછપરછ દરમિયાન તેના હાથ પર પહેલેથી જ તેના પિતાજીના મોબાઈલ નંબર છૂંદણા દ્વારા લખાયેલો હોય ફોન કરી તમારો બાળક પારડી પોલીસ સ્ટેશન ખાતે હોવાની માહિતી આપતા તાત્કાલિક પિતા પારડી પોલીસ સ્ટેશનને દોડી આવતા પિતા અને પુત્રનું મિલન ના દૃશ્ય જોતાં સૌની આંખ છલકાય ઉઠી હતી.
આમ પોલીસ એટલે એક કઠોળ અને સખત વ્યક્તિ નહીં પરંતુ પોલીસમાં પણ માનવતા અને એક પિતાનું દિલ ધડકી હોવાનું અહી સાબિત થયું હતું.
