(વર્તમાન પ્રવાહ ન્યુઝ નેટવર્ક)
પારડી, તા.16: પારડી મુક્તાનગર નુતન નગર ખાતે આવેલ શ્રી મહાલક્ષ્મી મિત્ર મંડળ દ્વારા શ્રી મહાલક્ષ્મીમાતાજી, શ્રી મહાકાળી માતાજી અને શ્રી અંબા માતાજીના ચોથા પાટોત્સવની ખૂબ ધામધૂમ અને રંગેચંગે ઉજવણી કરવામાં આવી હતી.
આજ સવારથી જ શરૂ કરવામાં આવેલ હવનમાં મોટી સંખ્યામાં લોકોએ ભાગ લઈ પૂજા સામગ્રી તથા નાળિયેર હોમી માતાજીની પૂજા અર્ચના કરવામાં આવી હતી. ત્યારબાદ બપોરે માતાજીને છપ્પન ભોગ ચઢાવ્યા બાદ યોજાયેલા મહાપ્રસાદમાં પણ અનેક ભક્તો ઉમટી પડ્યા હતા અને મહાપ્રસાદનો લાભ લઈ પોતે ધન્યતા અનુભવી હતી.