કોલસો, રેતી, માટી ભરેલી ટ્રકો સામે આર.ટી.ઓ. ઓફીસર કે.જી. પટેલે કરેલી સખ્ત કાર્યવાહી
(વર્તમાન પ્રવાહ વાપી બ્યુરો)
વાપી, તા.18: વલસાડ જિલ્લામાં રેતી, કોલસો, માટી ભરેલી ટ્રકો પૈકી કેટલાક ટ્રક માલિકો જરૂરી કાયદાનું પાલન નહી કરતા હોવાની વિગતો આર.ટી.ઓ. કચેરીને ધ્યાને આવતા શનિવારે આર.ટી.ઓ. વિભાગ દ્વારા કાયદાનો કોરડો વિંઝાયો હતો. જેમાં 7 જેટલી ટ્રકો ગેરરિતી વાળી મળી આવતા ટ્રક ઝડપી લઈને રૂા.1.50 લાખનો દંડ ફટકારાયો હતો.
વલસાડ આર.ટી.ઓ. ઓફીસર કે.જી. પટેલએ એકલા હાથે રેતી, કોલસો, માટીની હેરાફેરી કરતી ટ્રકોનું ચેકીંગ અચાનક હાથ ધર્યું હતું. જેમાં સાત ટ્રકો ગેરરિતી કર્યાનું મળી આવતા આર.ટી.ઓ. અધિકારીએ તમામ 7 ટ્રકો ઉપર રૂા.1.50 લાખનો દંડ કરી ટ્રકોને આર.ટી.ઓ. કમ્પાઉન્ડમાં પાર્ક કરી દેવાઈ હતી. આર.ટી.ઓ. દ્વારા થયેલ દંડનીય કાર્યવાહીથી ટ્રક માલિકોમાં ફફડાટ સાથે દોડધામ મચી જવા પામી હતી.
