બાઈક ચાલક મૃતક યુવાન મંદિર ફળીયા બાલચોંઢીનો હોવાનું તપાસમાં બહાર આવ્યું
(વર્તમાન પ્રવાહ વાપી બ્યુરો)
વાપી, તા.21: નાનાપોંઢા-ધરમપુર રોડ ઉપર બુધવારે સાંજે બેફામ દોડી રહેલા ડમ્પરે આગળ ઝઈ રહેલ બાઈક સવારને સીધી અડફેટમાં લેતા બાઈક ચાલક યુવાનનું ઘટના સ્થળે કરુણ મોત નિપજ્યું હતું.
બાલચોંઢીનો વતની યુવાન તેની મોટર સાયકલ નં.જીજે 15 બીએન ઉપર સવાર થઈને નાનાપોંઢા-ધરમપુર રોડ ઉપર બુધવારે સાંજે પસાર થઈ રહ્યો હતો ત્યારે પાછળથી બેફામ દોડી આવેલ ડમ્પર નં.ડીડી 01 આર 8780ના ચાલકે આગળ જતી મોટરસાયકલને અડફેટમાં લેતા ગોઝારો અકસ્માત સર્જાયો હતો. બાઈક આગળના વ્હિલ નીચે આવી જતા ચાલક યુવાનનું સ્થળ ઉપરમાં કરુણ મોત નિપજ્યું હતું. અકસ્માત બાદ નાનાપોંઢા પી.એસ.આઈ. એન.સી. સગર અને સ્ટાફ ઘટના સ્થળે દોડી આવ્યા હતા. લાશને સરકારી હોસ્પિટલમાં પી.એમ. માટે મોકલી આપી હતી. મૃતક યુવાન બાલચોંઢીનો હોવાનું પોલીસ તપાસમાં બહાર આવ્યું હતું. ગ્રામ્ય વિસ્તારમાં બેફામ દોડતા ડમ્પરો અવાર નવાર અકસ્માત સર્જી રહ્યા છે ત્યારે અંકુશીત કરવા જરૂરી છે.
