November 30, 2025
Vartman Pravah
Breaking Newsઉમરગામકપરાડાગુજરાતચીખલીડિસ્ટ્રીકટદેશનવસારીપારડીવલસાડવાપી

ચીખલીનાવાંકલ-મોખાથી લઈને વજીફા ગામ સુધી દીપડાના આંટાફેરા છતાં વન વિભાગ દ્વારા માત્ર ત્રણ જ નાઈટ કેમેરા લગાવાયા

વંકાલ ગામના જ વાસણીયા ફળિયામાં પણ દીપડો નજરે પડતાં આ વિસ્‍તારમાં પણ પાંજરું ગોઠવવામાં આવ્‍યું

(વર્તમાન પ્રવાહ ન્‍યુઝ નેટવર્ક)
ચીખલી (વંકાલ), તા.29: વંકાલ ગામના વજીફા ફળિયા વિસ્‍તારમાં એક સપ્તાહ પહેલા પૂર્વ સરપંચ દીપકભાઈના શેરડીના ખેતરમાં કામ કરી રહેલા શ્રમિકો સામે ધોળા દિવસે દીપડો ધસી આવ્‍યો હતો તેના બે દિવસમાં રાત્રી સમયે અંબા માતાના મંદિર પાસે રમણભાઈના કોઢારામાં વાછરડા પર હુમલો કર્યો હતો. જોકે સારવાર બાદ વાછરડાનું મોત નીપજ્‍યું હતું. ત્‍યારબાદ પણ વજીફા ફળિયામાં ખેતીવાડી વિસ્‍તારમાં દીપડો નજરે પડતાં વન વિભાગ દ્વારા રમણભાઈના ખેતર પાસે પાંજરું ગોઠવ્‍યું હતું. બાદમાં ગુરુવારના રોજ વન વિભાગ દ્વારા વજીફા ફળિયામાં ખેડૂત ભગુભાઈ અને રમણભાઈના ખેતરની હદમાં પાંજરાની આસપાસ ત્રણ જેટલા નાઈટ વિઝન કેમેરા ગોઠવવામાં આવ્‍યા છે દીપડાને પાંજરે પુરવા માટે કેમેરા દ્વારા દીપડાની ચહલ પર નજર રાખવામાં આવશે.
વજીફા ફળિયામાં દીપડાના આટા ફેરા વધી જતા સ્‍થાનિકોમાં ડરનો માહોલ છે તેવામાં કેમેરા ગોઠવવા સહિતની યુક્‍તિ દીપડાને પાંજરે પુરવામાં કેટલી સફળ રહેશે તેજોવું રહ્યું. થોડા મહિના પૂર્વે સાદકપોરમાં દીપડાના યુવતી પર હુમલાની ઘટના બાદ પાંચ પાંચ જેટલા પાંજરા અને કેમેરા ગોઠવાયા હતા. પરંતુ દીપડા કોઈ એક સ્‍થળે સ્‍થિર ન રહેતા હોય તેવામાં એક પણ દીપડો પાંજરે પુરાયો ન હતો.

Related posts

vartmanpravah

વાપી ચંડોરના મહિલા સરપંચ અને પતિ ફલેટ આકારણી પેટે 1 લાખની લાંચ લેતા ઝડપાયા

vartmanpravah

વાપીનો યુવાન રાષ્‍ટ્ર પ્રેમનો મિશાલ બન્‍યો : 75મા ગણતંત્ર દિવસ 75 કીલોમીટર દોડ દોડી ઉજવ્‍યો

vartmanpravah

ચીખલીના દોણજા ગામે નાની ખાડીમાં મૃત મરઘાઓ મળતા સ્‍થાનિકોમાં ફેલાયેલો રોષ

vartmanpravah

દાનહના કૌંચા ગામેઆરડીસી ચાર્મી પારેખના હસ્‍તે ‘વન ધન વિકાસ કેન્‍દ્ર ક્‍લસ્‍ટર’નું ઉદ્‌ઘાટન કરાયું

vartmanpravah

સેલવાસ ખાતે મહામહિમ રાષ્‍ટ્રપતિનું પ્રદેશવાસીઓએ આનંદ, ઉલ્લાસ અને ઉમંગ સાથે કરેલું સ્‍વાગત

vartmanpravah

Leave a Comment