રેટલાવ બાદ ટુકવાડાથી વધુ એક મહિલાના ગળામાંથી
ચેઈન ખેંચી બાઈક ચાલક ફરાર
(વર્તમાન પ્રવાહ ન્યુઝ નેટવર્ક)
પારડી, તા.01: બે ત્રણ દિવસ પહેલા જ ભરબપોરે રેટલાવ ખાતે દવા ખરીદી પરત ઘરે જઈ રહેલ પાલીબેન માહ્યાવંશીની આશરે એક તોલાની કિંમત રૂા.40,000 ની ચેઈન ગળામાંથી આંચકી પલ્સર બાઈક ચાલક ફરાર થઈ ગયા ની શાહી હજુ સુકાઈ નથી ત્યાં આજરોજ ટૂકવાડા ખાતે આવો જ કિસ્સો ફરીવાર બનવા પામ્યો છે.
વાપીના છીરી દેસાઈવાડ ખાતે રહેતા અને ટૂકવાડા અવધ ઉથોપિયામાં બંગલોઝમાં ઘરકામ કરતા સુનંદાબેન રામદાસ દેવગીરીકર આજરોજ તારીખ 1.3.2024 ના રોજ નિત્યક્રમ મુજબ અવધ ઉથોપીયા ખાતે જઈ રહ્યા હતા. આ દરમિયાન એવેનસીયા બંગ્લોઝની સામેથી પસાર થઈ રહ્યા હતા તે દરમિયાન પાછળથી કાળા કલરની એક સ્પોર્ટ્સ બાઈક ચાલક જેમણે ઓરેન્જ કલરની કાળા ટપકાવારી ટીશર્ટ અને સફેદ કલરનો બર્મૂડો પહેર્યો હોય પાછળથી આવી ગળામાં પહેરેલ એક તોલાની સોનાની ચેન કિંમત રૂપિયા 45 હજાર આંચકી લઈ ભાગી છુટયા હતા. સુનંદાબેનને આ અંગેનીફરિયાદ પારડી પોલીસ સ્ટેશને નોંધાવતા પારડી પોલીસે વધુ તપાસ હાથ ધરી છે.
