November 18, 2026
Vartman Pravah
Breaking Newsઉમરગામકપરાડાગુજરાતચીખલીડિસ્ટ્રીકટદેશનવસારીપારડીવલસાડવાપી

વલસાડમાં રોડ સેફટીના ગંભીર મુદ્દા પર દક્ષિણ ગુજરાત કક્ષાની ઈન્ટર સ્કૂલ સ્પીચ કોમ્પિટિશન યોજાશે

કોઈ પણ શાળા તા. ૧૫ ડિસેમ્બર સુધીમાં નોંધણી કરાવી શકશેઃ
તા. ૧૯-૨૦ ડિસે. સ્પર્ધાનું આયોજન

(વર્તમાન પ્રવાહ ન્‍યુઝ નેટવર્ક)
વલસાડ, તા.0૧: વધતા જતા માર્ગ અકસ્માત અને રોડ સેફટીના ગંભીર અને મહત્વના વિષય પરત્વે સમાજમાં અને ખાસ કરીને યુવા પેઢીમાં જાગૃતિ આવે એવા આશય સાથે BIZZIPPY મીડિયા અને કોમ્યુનિકેશન્સ દ્વારા તા. ૧૯ અને ૨૦ ડિસેમ્બરના રોજ વલસાડ તાલુકાના લીલાપોર ગામે bizzippy multimedia studio માં સાઉથ ગુજરાત ઈન્ટર –સ્કૂલ સ્પીચ કોમ્પિટિશનનું આયોજન કરવામાં આવ્યું છે. આ સ્પર્ધામાં દક્ષિણ ગુજરાતની કોઈ પણ શાળા ભાગ લઈ શકશે. આ સ્પર્ધા વિદ્યાર્થીઓની પબ્લિક સ્પીકિંગની કુશળતા વધારવામાં અને આકર્ષક ટોક શૈલીના ફોર્મેટમાં માર્ગ સલામતી વિશે જાગૃતિ લાવવાની તક આપે છે.
આ સ્પર્ધાનો ઉદેશ્ય માર્ગ સલામતી સંબંધિત વિવિધ મુદ્દાઓને ઉકેલવા માટે સમગ્ર દક્ષિણ ગુજરાતની શાળાઓમાં યુવાનોના અવાજને એક સાથે લાવવામાં આવશે. વિદ્યાર્થીઓ માટે મલ્ટી મીડિયા સ્ટુડીયોમાં બ્રોડકાસ્ટ સેટઅપ સામે આત્મ વિશ્વાસપૂર્વક બોલવાની ક્ષમતા વિકસાવવાની આ એક ઉત્તમ તક છે. સ્પર્ધાના વિષયો (૧) જ્યારે માર્ગ અકસ્માત થાય છે (૨) ડ્રાઈવિંગ પર ધ્યાન આપો (૩) હેલમેટ કેમ પહેરવુ? રાખવામાં આવ્યા છે.
વિદ્યાર્થીઓએ તેમની સ્પીચ TED ટોક શૈલીના ફોર્મેટમાં રજૂ કરવાની રહેશે. જેમાં વિષયની સ્પષ્ટતા, સ્ટોરી ટેલિંગ, પ્રભાવક રજૂઆતને ધ્યાને લેવામાં આવશે. જેમાં વિદ્યાર્થીએ ૩ થી ૪ મીનિટના સમય ગાળામાં રજૂઆત કરવાની રહેશે. આ સ્પર્ધા સ્ટુડીયોમાં શુટ કરવામાં આવશે અને ત્યારબાદ અલગ અલગ માધ્યમો દ્વારા પ્રસારણ કરવામાં આવશે.
સ્પર્ધામાં વિચારોની સુસંગતતા અને સ્પષ્ટતા, ભાષાનો અસરકારક ઉપયોગ અને પ્રસ્તુતિ કૌશલ્ય, સડક સુરક્ષાના મુદ્દાઓ સાથે સંબંધિત વિષયની મૌલિકતા અને સર્જનાત્મકતા અને યુટ્યુબ- ફેસબુક વગેરે જેવા પ્રસારણ માધ્યમોના પ્રેક્ષકો પર અસર કરશે. આ સ્પર્ધા વાલી જગત, શિક્ષક જગત અને સમાજના દરેક સભ્યો ઓનલાઈન ભાષણ જોઈ વિદ્યાર્થીઓને સમર્થન અને પ્રોત્સાહન આપશે. જે સમાજને રોડ સેફટી બાબતે વધુ સજાગ કરશે.
સ્પર્ધામાં ટાઈટલ વિજેતા – ચેમ્પિયન શાળાને શિલ્ડ અને રોકડ પુરસ્કાર અપાશે. દરેક ટોપિકમાં શ્રેષ્ઠ રજૂઆત કરનાર વિદ્યાર્થીઓને ટ્રોફી અને રોકડ પુરસ્કાર એનાયત કરાશે. આ સ્પર્ધામાં ભાગ લેવા માટે રસ ધરાવતી શાળાઓને તા. ૧૫ ડિસેમ્બર ૨૦૨૪ સુધીમાં નોંધણી કરાવવાની રહેશે. વધુ માહિતી માટે અથવા નોંધણી માટે મૈત્રીનો મો.નં. ૯૩૧૬૫૭૭૨૫૪ અને પ્રિયંકનો ૮૪૬૦૨૯૪૯૩૭ પર સંપર્ક કરી શકાશે જ્યારે મીડિયા ઈન્કવાયરી માટે જિજ્ઞેશ પટેલનો મો.નં. ૭૪૩૩૦૨૭૫૮૯ પર સંપર્ક કરવાનો રહેશે. વિદ્યાર્થીઓને આ મહત્વપૂર્ણ મુદ્દા વિશે બોલવાનું પ્લેટફોર્મ મળશે જેથી નવી પેઢી માર્ગ સલામતીની ગંભીરતા સમજી શકે અને બીજાને સમજાવી પણ શકે.

Related posts

આર્ટ ઓફ લિવિંગના દમણ ચેપ્‍ટર દ્વારા ત્રિ-દિવસીય સહજ સમાધી ધ્‍યાન અભ્‍યાસક્રમનું કરાયેલું સફળ આયોજન

vartmanpravah

નેશનલ સપોર્ટ-ડે નિમિત્તે નારગોલ ખાતે તાલુકા કક્ષાનો રમતોત્‍સવ ઉજવાયો

vartmanpravah

ચાર દિવસ માટે પારડી રેલવે ફાટક બંધ રહેશે : રેલવે તંત્રએ જાહેરાત વિના અચાનક ફાટક બંધ કરતાં લોકો હાડમારીમાં મુકાયા

vartmanpravah

જન કલ્‍યાણ યોજના પ્રચાર અભિયાન અને દામિની મહિલા ફાઉન્‍ડેશનના સહયોગથી ‘‘રાષ્‍ટ્રીય શહેરી આજીવિકા મિશન” અંતર્ગત નાની દમણ દામિની વુમન્‍સ ફાઉન્‍ડેશન કાર્યાલયમાં મહિલાઓને ભારત સરકારની લોક કલ્‍યાણકારી યોજનાઓની માહિતી આપવા યોજાયો કાર્યક્રમ

vartmanpravah

વાપી વી.આઈ.એ. ઈમ્‍પેક્‍ટનું આઠમું નજરાણું : વાંસળી અને સુદર્શન વિષય ઉપર કવિ અંકિત ત્રિવેદી છવાયા

vartmanpravah

લોકસભાની દમણ અને દીવ બેઠકની ચૂંટણી 2019 અને 2024 વચ્‍ચે કેટલીક સમાનતા સાથે મોટો વિરોધાભાસ

vartmanpravah

Leave a Comment