કુ.નેહા નિશાદ 14 સિનિયર નેશનલ હોકી સ્પર્ધા પુનામાં ગુજરાતની ટીમમાં સામેલ
(વર્તમાન પ્રવાહ વાપી બ્યુરો)
વાપી,તા.12: વલસાડની શાહ એન.એચ. કોમર્સ કોલેજની વિદ્યાર્થીની નેશનલ હોકી ચેમ્પિયનશીપમાં પસંદગી મેળવી ઝળહળતી સિધ્ધિ હાંસલ કરી છે.
ટી.વાય.બી.કોમમાં વલસાડ કોમર્સ કોલેજમાં અભ્યાસ કરતી કુ.નેહા નિશાદ ગુજરાત રાજ્યની હોકી સિલેકશન ટ્રાયલમાં સર્વશ્રેષ્ઠ પ્રદર્શન કરીને નેશનલ હોકી ચેમ્પિયનશીપમાં પસંદગી પામી છે. નેહા નિશાદ પુના મહારાષ્ટ્રમાં યોજાનાર 14મી સિનિયર નેશનલ હોકી ચેમ્પિયનશીપ સ્પર્ધામાં ગુજરાતની ટીમમાં પસંદગી થવાથી ગુજરાત ટીમ સાથે હોકી સ્પર્ધા રમશે. નેહા નિશાદે રાષ્ટ્રીય કક્ષામાં ભાગ લઈ કોલેજનું ગૌરવ વધાર્યું છે. તેથી કોલેજ સત્તા મંડળના ટ્રસ્ટીઓ, આછાર્ય ડો.ગીરીશકુમાર રાણા, શારિરીક શિક્ષણના અધ્યાપક મુકેશભાઈ પટેલ અને તમામ ટીચિંગ-નોન ટીચિંગ સ્ટાફના સભ્યો તેમજ વલસાડ હોકી એસોસિએશનના પ્રમુખ, સેક્રેટરી તરફથી અભિનંદન પાઠવ્યા હતા. નેશનલ હોકી ચેમ્પિયનશીપમાં શ્રેષ્ઠ દેખાવ કરવાની શુભેચ્છા પાઠવી હતી.