(વર્તમાન પ્રવાહ ન્યુઝ નેટવર્ક)
સેલવાસ, તા.18 : દમણ અને દીવ લોકસભાની 7મી મેના રોજ યોજાનારી સામાન્ય ચૂંટણીમાં દીવ જિલ્લામાં મહિલા મતદારો નિર્ણાયક રહેશે. કારણ કે, દીવ જિલ્લાના કુલ 36,866 મતદારો પૈકી 20,149 મહિલા મતદારો છે અને પુરૂષ મતદારની સંખ્યામાં 16,717 છે. દમણ જિલ્લામાં કુલ 95,178 મતો સામે 45,330 મહિલા મતદારો છે. તેથી દમણઅને દીવ લોકસભા બેઠક માટે 65,479 મતદારો મહિલા હોવાથી આ બેઠકમાં મહિલાનું પરિબળ મહત્વનું રહેશે.
