દમણ ન.પા.ના પૂર્વ અધ્યક્ષ અને કાઉન્સિલર સોનલબેન પટેલે ભાજપને મત આપી જંગી બહુમતિથી લાલુભાઈ પટેલને વિજેતા બનાવવા લોકોને કરેલી અપીલ
(વર્તમાન પ્રવાહ ન્યુઝનેટવર્ક)
દમણ, તા.20 : દમણ અને દીવ લોકસભા બેઠકના ઉમેદવાર શ્રી લાલુભાઈ પટેલે આજે ડોર ટુ ડોર પ્રચાર અભિયાનનો આરંભ મોટી દમણ શહેર વિસ્તારથી કર્યો હતો. દમણ નગરપાલિકાના પૂર્વ અધ્યક્ષ શ્રીમતી સોનલબેન પટેલના નેતૃત્વમાં સવારથી ડોર ટુ ડોર પ્રચાર કાર્યનો આરંભ થયો હતો.
દમણ-દીવ બેઠકના ભાજપના ઉમેદવાર શ્રી લાલુભાઈ પટેલે વોર્ડ નંબર-2ના માછીવાડ વિસ્તારમાં ડોર ટુ ડોર જઈ લોકોને ભાજપને મત આપવા માટે અપીલ કરી હતી. દમણ નગરપાલિકાના પૂર્વ અધ્યક્ષ અને કાઉન્સિલર શ્રીમતી સોનલબેન પટેલે વોર્ડ નંબર-1માં શ્રી લાલુભાઈ પટેલને જંગી બહુમતિથી વિજેતા બનાવવા અપીલ કરી હતી. આજના ડોર ટુ ડોર અભિયાનમાં ભાજપના કાર્યકર્તાઓ, કડૈયાના સરપંચ શ્રી શંકરભાઈ પટેલ સહિત ટેકેદારો ઉપસ્થિત રહ્યા હતા.