પ્રદેશ ભાજપ ઓ.બી.સી. મોરચાના અધ્યક્ષ હરિશભાઈ પટેલ, દમણ જિ.પં.ના સભ્ય રીનાબેન પટેલ, સોમનાથ મંડળના નેતા મહેન્દ્રકામલી, યુવા નેતા જયેશ પટેલ સહિત ભાજપના કાર્યકર્તાઓએ પણ ડોર ટુ ડોર પ્રચાર અભિયાનમાં આપેલો સહયોગ
(વર્તમાન પ્રવાહ ન્યુઝ નેટવર્ક)
દમણ, તા.22 : દમણ-દીવ લોકસભા બેઠકના ભાજપના ઉમેદવાર શ્રી લાલુભાઈ પટેલે આજે સોમનાથ ગ્રામ પંચાયત વિસ્તારમાં ડોર ટુ ડોર ચૂંટણી પ્રચાર કરી ભાજપને વોટ આપવા લોકોને અપીલ કરી હતી.
સોમનાથ ગ્રામ પંચાયતના રીંગણવાડા વિસ્તારમાં પ્રદેશ ઓ.બી.સી. મોરચાના અધ્યક્ષ શ્રી હરિશભાઈ પટેલ, જિલ્લા પંચાયતના સભ્ય શ્રીમતી રીનાબેન પટેલ, સોમનાથ મંડળના નેતા શ્રી મહેન્દ્રભાઈ કામલી, દમણ જિલ્લા ભાજપના ઉપ પ્રમુખ શ્રી તિમિર પટેલ, યુવા નેતા શ્રી જયેશ પટેલ સહિત ભાજપના કાર્યકર્તાઓ જોડાયા હતા.
