(વર્તમાન પ્રવાહ ન્યુઝ નેટવર્ક)
દમણ, તા.17: મોટી દમણના ઢોલર બારિયાવાડ ખાતે આવેલા પ્રાચીન સોપાની માતા મંદિરનું આજે આનંદ ઉત્સાહ અને ઉમંગ સાથે ભાવ પ્રતિષ્ઠા મહોત્સવનું આયોજન કરવામાં આવ્યું હતું. જેમાં ખુબ મોટી સંખ્યામાં ગામલોકોએ શ્રદ્ધા અને ભાવપૂર્વક ભાગ લીધો હતો.
પ્રાપ્ત માહિતી પ્રમાણે દમણવાડા ગ્રામ પંચાયતના ઢોલર-બારિયાવાડ ખાતે આવેલ અતિ પ્રાચીન સોપાની માતા મંદિરના ભાવ પ્રતિષ્ઠા મહોત્સવમાં ગામના દરેક ફળિયાના સોપાની માતાની ભાવ ફેરી કરવામાં આવી હતી. ભાવિક ભક્તોએ ખુબ જ શ્રદ્ધાપૂર્વક સોપાની માતાની પૂજા-અર્ચના કરીહતી.
આ પ્રસંગે સાંસદ શ્રી લાલુભાઈ પટેલે પણ પાલખી ઉપાડી શ્રદ્ધાપૂર્વક સોપાની માતાના ચરણમાં વંદન કર્યા હતા.
