(વર્તમાન પ્રવાહ ન્યુઝ નેટવર્ક)
સેલવાસ, તા.18 : આજે સેલવાસથી ભીલાડ તરફ જઈ રહેલ વોક્સવેગન કાર નંબર જીજે-15 સીકે-2101 નરોલી ચાર રસ્તા નજીક ડિવાઈડર સાથે ટકરાઈને પલ્ટી મારી ગઈ હતી. જેમાં ચાલક સહિત બે મહિલા સવાર હતા, અકસ્માત સમયે કારની એરબેગ ખુલી જતાં તેઓનો ચમત્કારિક બચાવ થયો હતો. અકસ્માતને પગલે રોડ ઉપર ટ્રાફિક જામ થયો હતો. આ ઘટનાની જાણ થતાં દાનહ પોલીસની ટીમ ઘટના સ્થળે પહોંચી હતી અને અકસ્માતને કારણે સર્જાયેલા ટ્રાફિક જામને હળવો કર્યો હતો.
