November 30, 2025
Vartman Pravah
Breaking Newsઉમરગામકપરાડાગુજરાતચીખલીડિસ્ટ્રીકટદેશનવસારીપારડીવલસાડવાપી

ચીખલીના ટાંકલ ગામે ત્રણ કારના અકસ્‍માતમાં એક જ પરિવારના બે બાળકો સહિત પાંચનો આબાદ બચાવ

(વર્તમાન પ્રવાહ ન્‍યુઝ નેટવર્ક)
ચીખલી,(વંકાલ), તા.21: ચીખલી તાલુકાના ટાંકલમાં બે સામસામે અથડાયેલી કારમાં એક બીજી કાર ઘુસી જતા સર્જાયેલા અકસ્‍માતમાં વલસાડના સેગવીના એક જ પરિવારના બે બાળકો સહિત પાંચ જેટલા ને ઈજા થતાં સારવાર અર્થે હોસ્‍પિટલમાં ખસેડવામાં આવ્‍યા હતા.
બનાવની ઘટના સ્‍થળેથી પ્રાપ્ત માહિતી મુજબ રવિવારના રોજ બપોરના સમયે આઈ-20 નં-જીજે-21-સીબી-2058 નંબરની કારનો ચાલક સરૈયાથી ટાંકલ તરફ આવી રહ્યો હતો. દરમિયાન ટાંકલ મોટી નહેર પાસે સરૈયા તરફ જઈ રહેલ બલેનો કાર નં.જીજે-15-સીજે-1574 સામસામે ભટકાતા અને આ બલેનો કારમાં પાછળ આવી રહેલ ટાટા સફારી કાર નં-જીજે-21-એમ-9270 પણ ભટકાતા બલેનો કાર રસ્‍તાની સાઈડે ઉતરી ગઈ હતી જોકે સામ સામે ભટકાયેલી બંને કારોમાં વ્‍યાપક નુકસાન થવા સાથે આપૈકી બલેનો કારમાં સવાર વલસાડ તાલુકાના સેગવી ગામના એક જ પરિવારના પાંચ જેટલા ઈજાગ્રસ્‍ત થતા ચીખલીની ખાનગી હોસ્‍પિટલમાં પ્રાથમિક સારવાર બાદ વધુ સારવાર અર્થે વલસાડની ખાનગી હોસ્‍પિટલમાં ખસેડવામાં આવ્‍યા હોવાનું જાણવા મળ્‍યું હતું. ઉપરાંત અકસ્‍માતમાં સરાયા ગામના આઈ-20 કારના ચાલક આશિષ હેમંતભાઈ પટેલને પણ નાની મોટી ઈજા થઈ હોવાની માહિતી સાંપડી હતી.
અકસ્‍માતમાં ઈજાગ્રસ્‍ત થયેલાઓમાં દિવ્‍યાબેન સાવનભાઈ રાઠોડ (ઉ.વ-29), યુગ સાવનભાઈ રાઠોડ (ઉ.વ.-9), હર્મિષ્ઠા સાવન રાઠોડ (ઉ.વ-8 મહિના), સાવન મુકેશભાઈ રાઠોડ (ઉ.વ-30), પ્રાચી દેવાંગ રાઠોડ (ઉ.વ-22) તમામ રહે.સેગવી તા.જી.વલસાડ, આશિષ હેમંતભાઈ પટેલ (રહે.સરૈયા તા.ચીખલી જે આઈ-20 કારનો ચાલકનો સમાવેશ થાય છે.
અકસ્‍માતની જાણ થતા ટાંકલ ગામના સરપંચ દિનેશભાઈ સહિતના ઘટના સ્‍થળે ધસી જઈ ઈજાગ્રસ્‍તોને હોસ્‍પિટલમાં ખસેડવા સહિતની તજવીજ કરી હતી. જોકે બનાવ અંગે આ લખાય ત્‍યાં સુધી પોલીસ ચોપડે કોઈ ગુનો નોંધાયો ન હતો.

Related posts

ધરમપુરમાં ઘરના માળીયામાંથી દારૂનો જથ્‍થો તેમજ રસોડામાં 4 લાખ રોકડા મળ્‍યા : મહિલાની અટક

vartmanpravah

વાપીના ગાંધીવાદી અગ્રણી પદ્મશ્રી ગફુરભાઈ બિલખીયાની ગુજરાત વિદ્યાપીઠમાં ટ્રસ્‍ટી તરીકે નિમણૂંક

vartmanpravah

દમણ-દલવાડાના સુપ્રસિદ્ધ વાસુકીનાથ મંદિરમાં આયોજીત શ્રીમદ્‌ ભાગવત કથામાં શ્રી કૃષ્‍ણની બાળ લીલાનું વર્ણન સાંભળી મંત્રમુગ્‍ધ બનેલા શ્રદ્ધાળુઓ

vartmanpravah

વલસાડ સરોણ હાઈવે ઉપર ગમખ્‍વાર અકસ્‍માત: ઉભેલા ડમ્‍પર સાથે પીકઅપ અથડાતા એક મોત, બે ઘાયલ

vartmanpravah

વાપીમાં એક જ રાતમાં પાંચ દુકાનોના શટર તૂટયા : તસ્‍કરોનો હાથ ફેરો ફોગટ ગયો

vartmanpravah

સરૈયા ગામે એસઆરપીએફના અધિકારીના બંધ મકાનને તસ્‍કરોએ નિશાન બનાવી રૂા.45,000/ની મત્તાની ચોરી કરી પલાયન

vartmanpravah

Leave a Comment