(વર્તમાન પ્રવાહ ન્યુઝ નેટવર્ક)
ચીખલી,(વંકાલ), તા.21: ચીખલી ખાતે ખરીદી કરવા આવેલ વંકાલ ગામનો યુવાન ગુમ થતાગણતરીના કલાકોમાં શોધી કાઢી પરિવાર સથે મિલન કરાવ્યું હતું.
બનાવની પોલીસ મથકેથી પ્રાપ્ત માહિતી અનુસાર ચીખલી પોલીસ કાયદા વ્યવસ્થાની જાળવણી અને કોઈ અનિચ્છનીય ઘટના ન બને તે માટે પેટ્રોલિંગ અને વાહન ચેકિંગની કામગીરી કરી રહી હતી. આ દરમિયાન ચીખલી હાઈવે ચાર રસ્તા પાસે વાહન ચેકિંગ દરમ્યાન પોલીસને તાલુકાના વંકાલ ગામના સંધ્યાવાડ ખાતે રહેતા ભરતભાઈ પરસોતભાઈ પટેલે ફરજ ઉપર હાજર પીએસઆઈ એચ.એસ.પટેલ પાસે જઈ સમગ્ર હકીકતથી વાકેફ કરી તેઓને જણાવેલ કે અમો પરિવાર સાથે ચીખલી એસટી બસ ડેપો પાસે ખરીદી કરી રહ્યા હતા. દરમ્યાન પુત્ર પરીનનું માતા સાથે કોઈ વાતમાં મતભેદ જે ગાડીમાં આવી બેસી ગયો હતો. બાદ ખરીદી કરી ગાડી પાસે પરત ફરતા પુત્ર ગાડીમાંથી ઉતરીને કયાંક ચાલ્યો ગયો હતો. અને તેનો ફોન પણ સ્વીચ ઓફ આવતા હાઇવે ચાર રસ્તા પાસે પેટ્રોલિંગ કરતી ચીખલી પોલીસના પીએસઆઈ એચ.એસ.પટેલ પાસે જઈ ઘટનાથી વાકેફ કરતાં ઘટનાની ગંભીરતા સમજી પી.એસ.આઇ-એચ.એસ.પટેલે તેમના સ્ટાફને બોલાવી સમગ્ર હકીકતથી વાકેફ કરી પરીનનીની શોધખોળ શરૂ કરી હતી.
આ દરમિયાન જાણવા મળેલ કે પરિન તેની ચીખલીના ખૂંધ ખાતે રહેતી ફોઈ પુષ્પાબેનને ત્યાં હોવાની માહિતી મળતા પિતા દીપકભાઈસાથે ખુંધ ગામે જઈ તેને સમજાવી માતા-પિતા સાથે રાજી – ખુશીથી ઘરે મોકલાવી સંવેદનશીલ અભિગમનો સકારાત્મક ઉદાહરણ પૂરું પાડ્યું હતું.
