વાહન ચાલકો એક તરફથી ઘૂસી તો ગયા પરંતુ નિકળવું કેમ?
પેચીદી સ્થિતિ ઉભી થઈ હતી
(વર્તમાન પ્રવાહ વાપી બ્યુરો)
વાપી, તા.02: પશ્ચિમ રેલવેનો સૌથી વ્યસ્ત ટ્રેન વ્યવહાર અમદાવાદ-મુંબઈ વચ્ચેનો છે. આ વિભાગમાં વાપી પણ આવી જાય છે. આજે મંગળવારે બલીઠા રેલવે ફાટક ઉપર વિચિત્ર ગંભીર સ્થિતિ ઉભી થવા પામી હતી. ટ્રેન પસાર થયા બાદ બીજી તરફનું ફાટક ખુલ્યુ નહીં તેથી અંધાધુંધી સર્જાઈ હતી.
વાપી ફાટક વાપીના લોકો માટે અત્યારેહાર્ટલાઈન સમાન છે. વાપી દમણ અવર જવર કરવા માટે બહુધા વાપી ફાટકનો ઉપયોગ વાહન ચાલકો કરી રહ્યા છે. આજે આ ફાટક ઉપર ગંભીર ટેકનિકલ સ્થિતિનું નિર્માણ થયું હતું. ટ્રેન પસાર થયા બાદ સાંધાવાળાએ ફાટક તો રાબેતા મુજબ ચાલુ કરી દીધું પરંતુ ફાટક ફક્ત પﾍમિ તરફનું ખુલ્યું, પૂર્વ તરફનું ફાટક ખુલ્યું જ નહીં. પરિણામે સામે છેડેથી વાહનોએ એન્ટ્રી તો લઈ લીધી હવે નિકળવું કેવી રીતે? સામેનું ફાટક તો બંધ હતું. વાહન ચાલકોના જીવ પડીકે બંધાઈ ગયા હતા. કારમ કે આ ફાટકથી દર પાંચ થી સાત મિનિટમાં એક ટ્રેન પસાર થાય છે. પરિસ્થિતિ અતિ ગંભીર અને પેચીદી ઉભી થઈ હતી પરંતુ થોડાક સમય બાદ ટેકનિકલ ક્ષતિ દુરસ્ત કરવામાં આવતા સ્થિતિ થાળે પડી હતી.
