(વર્તમાન પ્રવાહ વાપી બ્યુરો)
વાપી, તા.16: ચણોદ કોલોની સ્થિત કેશવજી ભારમલ કોમર્સ એન્ડ નટરાજ પ્રોફેશનલ સાયન્સીસ કોલેજ વાપીનું શૈક્ષણિક વર્ષ 2023-24 ટી.વાય.બી.એસસી. માઈક્રોબાયોલોજી વિષયમાં 94.59 ટકા આવ્યું છે. જેમાં કોલેજના વિદ્યાર્થી સૈયદ લેવીસનું માઈક્રોબાયોલોજી વિષયમાં સેમિસ્ટર-5માં થિયરીમાં અને સેમિસ્ટર-6માં પ્રેક્ટિકલમાં સમગ્ર યુનિવર્સિટીમાં પ્રથમ સ્થાન મેળવ્યું છે. તેમજ ગુર્જર કલ્પનાએ પણ ઈંગ્લીશ વિષયમાં હાઈયેસ્ટ ગુણ મેળવીને સમગ્ર યુનિવર્સિટીમાં પ્રથમ સ્થાને રહી છે. આમ, સમગ્ર યુનિવર્સિટીમાં કોલેજનું નામ રોશનકરવા બદલ કોલેજના પ્રિન્સિપાલ ડો.પૂનમ બી. ચૌહાણે પ્રથમ સ્થાને રહેલ વિદ્યાર્થીઓનો આભાર વ્યક્ત કરી ભવિષ્યમાં ઉચ્ચ સિધ્ધિ હાંસલ કરવા આહવાન આપ્યું હતું.